ધર્મ / શરદપૂનમ અને ચંદ્રગ્રહણ: જાણો કઈ રાશિના જાતકો પર કેવી થશે અસર, કોના માટે ભારે છે આજની રાત!

• આજે શરદ પૂનમ છે અને ચંદ્રગ્રહણ
• ગ્રહણનું જુદી જુદી રાશિઓ પર અલગ અલગ પ્રભાવ પડશે
• રાશિઓ પર આ રીતે થઈ શકે છે પ્રભાવ

આજે શરદ પૂનમ છે અને આજે રાત્રે ચંદ્રગ્રહણ લાગી રહ્યું છે. આ ખંડગ્રાસ ચંદ્રગ્રહણ ભારતમાં જોવા મળશે. ચંદ્રગ્રહણ આજે રાત્રે 11:31 વાગ્યે શરૂ થશે અને રાત્રે 03:56 વાગ્યે પૂર્ણ થશે. ચંદ્રગ્રહણ રાત્રે 01:44 વાગ્યાથી રાત્રે 02:24 વાગ્યા સુધી પીક પર રહેશે, આ સમયે તેની સૌથી વધુ અસર જોવા મળશે. આ ગ્રહણનું જુદી જુદી રાશિઓ પર અલગ અલગ પ્રભાવ પડશે. આવો જાણીએ વિસ્તારથી!

મેષ રાશિ
ચંદ્રગ્રહણની સ્થિતિ દરમિયાન મેષ રાશિના જાતકોને સ્વાસ્થ્ય અને સામાજિક પ્રતિષ્ઠાની દ્રષ્ટિએ નુકસાનકારક સાબિત થઈ શકે છે. વધુમાં ચૂંટણી સંબંધીત કોઈ નિર્ણય લેવા હોય તો આ સમય યોગ્ય નથી. આ ઉપરાંત મુસાફરી પણ વિચારીને જ કરવી જોઈએ. તેમજ અકસ્માત અને સમાન ગુમ થવાની પણ શકયતા છે.

વૃષભ રાશિ
વૃષભ રાશિના લોકો માટે ચંદ્રગ્રહણ ભાગદોડ અને ખર્ચનો સામનો કરાવી શકે છે. વિદેશના મિત્રો તથા સંબંધીઓ પાસેથી અયોગ્ય સમાચાર મળી શકે છે. આ ઉપરાંત આ સમયગાળા દરમિયાન ઉધાર લેવાથી અને દેવાથી પણ બચવું જોઈએ. વિદ્યાર્થીઓને પરીક્ષામાં સારા ગુણ માટે મહેનત કરવી પડશે.

મિથુન રાશિ
મિથુન રાશિના અગિયારમા લાભ ગૃહમાં થનારું આ ગ્રહણ તમારા માટે વરદાનથી કમ નથી.આવકના સ્ત્રોત તો વધશે જ સાથે આપેલા પૈસા પાછા મળવાની પણ આશા છે. કાર્યસ્થળ પર સહકર્મીઓ સાથેના સંબંધો મજબૂત થશે અને બાળક સંબંધી પણ સારા સમાચાર મળી શકે છે.

કર્ક
આ ગ્રહણ કર્ક રાશિના લોકો માટે અણધાર્યા પરિણામો આપશે. તમારા અને તમારા સ્વાસ્થ્ય અને તમારા માતા-પિતાના સ્વાસ્થ્યનું બગડી શકે છે. જમીન-મિલકત સંબંધિત મામલાઓમાં સમાધાનકારી વલણ અપનાવી શકો છો.

સિંહ રાશિ
આ ગ્રહણ તમારા માટે સારું નથી પરંતુ તમારા કામની પ્રસંશા થઈ શકે છે. ધાર્મિક ટ્રસ્ટ અને અનાથાશ્રમાં હોસ્સો બનશે અને દાન પુણ્ય કરી શકો છે. તથા સંતાન સંબંધી ચિંતાઓ પરેશાન કરી શકે છે.

કન્યા રાશિ
ગ્રહણ તમારા માટે ખરાબ પરિણામ લઈને આવી શકે છે. આ ગ્રહણની સૌથી વધુ અસર તમારા સ્વાસ્થ્ય પર પડવાની શક્યતા હોવાથી આ દિશામાં જાગૃત રહેવું જોઈએ. અકસ્માતો ટાળવાનો પ્રયાસ કરવો અને કાર્યસ્થળ પર પણ ષડયંત્રનો શિકાર બનવાથી બચવું જોઈએ.

તુલા રાશિ
ગ્રહણને લીધે લગ્ન સંબંધિત વાતોમાં અવરોધો આવશે. સાસરિયાઓ સાથેના સંબંધો પર પ્રતિકૂળ અસર પડશે અને વેપારમાં શિથિલતા રહેશે. છુપા દુષ્મન સામે સજાગ રહેવું જોઈએ.

વૃશ્ચિક રાશિ
વૃશ્ચિક રાશિના લોકો માટે ગ્રહણ આવકારદાયક નીવડશે. તમે ઇચ્છો તેટલી સફળતા મળશે અને કાર્યક્ષેત્રનો પણ વિકાસ થશે.જે વિદ્યાર્થીઓ અભ્યાસ અર્થે વિદેશ જવા ઈચ્છે છે તેને આ ગ્રહણ તેમના માટે શુભ સાબિત થશે.

ધનુ રાશિ
રાશિચક્રના પાંચમા ભાવમાં થનારું આ ગ્રહણ બાળકોની ચિંતામાં વધારો કરી શકે છે. વિદ્યાર્થીઓ  ઉપરાંત કોઈ પણ સ્પર્ધામાં ભાગ લેવા માંગતા લોકોએ સારા માર્ક્સ માટે મહેનત કરવી પડશે. તમારી સહેજ પણ બેદરકારી નુકસાન પહોંચાડી શકે છે. લવ મેરેજ કરવા માટે આ ઉત્તમ તક છે.

મકર રાશિ
ગ્રહણને લીધે તમારા પરિવારમાં વિખવાદ અને માનસિક અશાંતિનું વાતાવરણ ઉભું થઈ શકે છે. માતા-પિતાના સ્વાસ્થ્યનું જોખમ તો  જમીન-મિલકત સંબંધિત મામલામાં ઉકેલની આશા રહી શકે છે. વધુમાં મકાન મિલકત માટે ગ્રહનનો સમય શ્રેષ્ઠ છે.

કુંભ રાશિ
ગ્રહણ તમારા સ્વભાવમાં આક્રમકતા લાવશે પરંતુ તમારી શક્તિને લીધે આ સમસ્યા ઉકેલાય શકે છે. પરિસ્થિતિઓને સરળતાથી પાર કરી શકશો.. ધાર્મિક બાબતોમાં સક્રિયપણે ભાગ લેશે અને ચેરિટીમાં પૈસા પણ દાન કરી શકાશે.

મીન રાશિ
મીન રાશિમાં તમને અનેક પ્રકારના ઉતાર-ચઢાવનો સામનો કરવો પડશે. રૂપિયા લેવા આપવાથી બચવું જોઈએ. કારણ કે સમયસર પૈસા ન મળવાનું જોખમ રહી શકે છે. સ્વાસ્થ્ય વિશે સાવચેત રહેવું જોઈએ.