- અસ્થમા કોઈપણ ઉંમરના વ્યક્તિને થઈ શકે છે
- અસ્થમા એક ફેંફસાની બિમારી
- આ લક્ષણો જોવા મળે તો ડોકટરની સલાહ લેવી જરૂરી
અસ્થમા કોઈપણ ઉંમરના વ્યક્તિને થઈ શકે છે. આ બિમારી સ્પર્શથી ફેલાતી બિમારી નથી. અસ્થમા એક ફેંફસાની બિમારી છે, જેમાં શ્વસનમાર્ગમાં સોજો આવી જાય છે અને સંકોચાઈ જાય છે તથા કફ પણ બનવા લાગે છે. જેના કારણે શ્વાસ લેવું મુશ્કેલ થઈ જાય છે. ઉપરાંત ખાંસી, ગભરામણ, શ્વાસ લેવામાં તકલીફ, છાતીમાં ભાર તથા અસ્થમાના અન્ય લક્ષણો જોવા મળે છે.
શિયાળામાં અસ્થામાના દર્દીઓને તકલીફ
શિયાળામાં અસ્થમા અનેકવાર ટ્રિગર થાય છે. અસ્થમાના દર્દીઓ માટે ઠંડી હવા પણ સામાન્ય ટ્રિગર થાય છે. આ ટ્રિગર્સને કારણે અસ્થમા ગંભીર સ્તરે પહોંચી જાય છે. ફેંફસામાં સોજો તથા બ્રોંકોસ્પઝ્મ (શ્વસનમાર્ગ સંકોચાવો) થાય છે.
કયા લક્ષણો પર ધ્યાન આપવું જોઈએ?
તમામ દર્દીઓમાં અસ્થમાના અલગ અલગ લક્ષણો જોવા મળે છે. કેટલાક અસ્થમાના દર્દીઓને શ્વાસ લેવામાં તકલીફ, છાતીમાં સંકોચન તથા દુખાવો, ખાંસી તથા ગભરામણ થાય છે. કેટલાક દર્દીઓને ખાંસી, નાક બંધ તથા ગળામાં ખરાશ અને કફની તકલીફ થાય છે. જે દર્દીઓમાં આ લક્ષણો જોવા મળે તેમણે તાત્કાલિક ડોકટરનો સંપર્ક કરવો જોઈએ.
અસ્થમા- ઈન્હેલર
- અસ્થમાનો ઈલાજ કરવા અને તેના લક્ષણોવી અસર ઓછી કરવા માટે ઈન્હેલર એક અસરદાર ઉપાય છે.
- ઈન્હેલર ફેંફસા સુધી દવા પહોંચાડવાનું કામ કરે છે, જેથી શ્વસનમાર્ગને આરામ મળે છે.
- શ્વસનમાર્ગ સુધી દવા પહોંચાડે છે અને આડઅસરની સંભાવના ઓછી રહે છે.
વધુ વાંચો: ડાયાબિટીસને દૂર કરવા આજથી જ આ પાણી પીવાનું શરૂ કરો, બ્લડ શુગરને પણ કરી દેશે કંટ્રોલ
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
