BIG BREAKING / ટીમ ભારતને ફટકો: રાજકોટ ટેસ્ટમાં તરખાટ મચાવનાર અશ્વિન બાકી મેચોમાંથી બહાર, અચાનક વિધ્ન આવ્યું

• ત્રીજી ટેસ્ટ મેચની વચ્ચે ભારતીય ટીમને મોટો ફટકો
• રવિચંદ્રન અશ્વિને મધ્ય મેચમાંથી પોતાનું નામ પાછું ખેંચી લીધું 
• પરિવારમાં મેડિકલ ઈમરજન્સીના કારણે નામ પાછું ખેંચ્યું

ઈંગ્લેન્ડ સામે રમાઈ રહેલી રાજકોટ ટેસ્ટ દરમિયાન ભારતીય ટીમને મોટો ફટકો પડ્યો છે. સ્ટાર સ્પિનર ​​રવિચંદ્રન અશ્વિને મધ્ય મેચમાંથી પોતાનું નામ પાછું ખેંચી લીધું છે. પરિવારમાં મેડિકલ ઈમરજન્સીના કારણે તેણે તાત્કાલિક અસરથી પોતાનું નામ પાછું ખેંચી લીધું છે. આ ગંભીર પરિસ્થિતિમાં ભારતીય ક્રિકેટ કંટ્રોલ બોર્ડ (BCCI) અને ટીમના ખેલાડીઓ અને સ્ટાફ સહિત તમામ સભ્યોનો અશ્વિન અને તેના પરિવારને સંપૂર્ણ સમર્થન છે. BCCIએ કહ્યું કે ખેલાડીઓ અને તેમના પરિવારનું સ્વાસ્થ્ય ખૂબ જ મહત્વપૂર્ણ છે.

Ravichandran Ashwin will take no further part in the ongoing #INDvENG Test due to a family medical emergency: ICC

(File photo) pic.twitter.com/YzL0F7veN9

— ANI (@ANI) February 16, 2024

લોકોને પણ અપીલ કરી

બીસીસીઆઈએ ચાહકો અને અન્ય લોકોને પણ અપીલ કરી છે કે તેઓ પડકારજનક સમયમાંથી પસાર થઈ રહ્યા હોવાથી ખેલાડીઓ અને તેમના પરિવારજનોની ગોપનીયતા જાળવી રાખે. આવી સ્થિતિમાં ભારતીય બોર્ડ અને ટીમ અશ્વિનને દરેક સુવિધા આપવાનું ચાલુ રાખશે. જો કોઈ જરૂરિયાત હશે તો તેના માટે અશ્વિન સાથે વાતચીત ચાલુ રહેશે.

R Ashwin withdraws from the 3rd India-England Test due to family emergency.

In these challenging times, the Board of Control for Cricket in India (BCCI) and the team fully supports Ashwin.https://t.co/U2E19OfkGR

— BCCI (@BCCI) February 16, 2024

અશ્વિને ટેસ્ટ ક્રિકેટમાં 500 વિકેટનો માઈલસ્ટોન હાંસલ કર્યો

છેલ્લા 13 વર્ષથી પોતાની સ્પિનથી બેટ્સમેનોને નચાવનાર અશ્વિને ટેસ્ટ ક્રિકેટમાં 500 વિકેટનો માઈલસ્ટોન હાંસલ કર્યો છે. ઈંગ્લેન્ડ સામેની બીજી ટેસ્ટમાં આ સિદ્ધિ કરવાનું ચૂકી ગયેલા અશ્વિને ત્રીજી ટેસ્ટની પ્રથમ ઈનિંગમાં આ સિદ્ધિ હાંસલ કરીને ઈતિહાસ રચ્યો હતો. અશ્વિને ઈંગ્લેન્ડના ઓપનર જેક ક્રોલીને તેની કારકિર્દીનો 500મો શિકાર બનાવ્યો અને આ રીતે આ સીમાચિહ્ન સુધી પહોંચનાર માત્ર બીજો ભારતીય બોલર બન્યો.

From number 1⃣ to 5⃣0⃣0⃣!@ashwinravi99's momentous Test journey in 📸📸

Tell us your favourite one 👇#TeamIndia | #INDvENG | @IDFCFIRSTBank pic.twitter.com/r5Fr3sPsGy

— BCCI (@BCCI) February 16, 2024

વધુ વાંચો : સ્ટુઅર્ડ બ્રોડનું નાક તોડનાર ભારતીય ક્રિકેટરે કરી સન્યાસની જાહેરાત, શરીરે ન આપ્યો કરિયરમાં સાથ

ઈંગ્લેન્ડની ટીમે તેના પ્રથમ દાવમાં જોરદાર શરૂઆત કરી

રાજકોટ ટેસ્ટના બીજા દિવસે ઈંગ્લેન્ડની ટીમે તેના પ્રથમ દાવમાં જોરદાર શરૂઆત કરી હતી. ત્રીજા સેશનમાં બેન ડકેટ ઝડપથી રન બનાવી રહ્યો હતો અને તેણે 39 બોલમાં અડધી સદી ફટકારી હતી. બીજી તરફ જેક ક્રાઉલી પણ તેને ખૂબ જ સારી રીતે સપોર્ટ કરી રહ્યો હતો. આવી સ્થિતિમાં ભારતીય ટીમ વિકેટની શોધમાં હતી અને આ કામ તેના સૌથી અનુભવી અને ભરોસાપાત્ર સ્પિનર ​​રવિચંદ્રન અશ્વિને કર્યું હતું. અનુભવી ઓફ-સ્પિનરે ક્રાઉલીને શોર્ટ ફાઈન લેગ પર કેચ કરાવીને ટીમ ઈન્ડિયાને સફળતા અપાવી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો