ચૂંટણી / હવે રાજનીતિની પીચ પર રમશે આ ખેલાડીઓ, કોઇ જોડાયું ભાજપમાં તો કોઇ TMCમાં

• પશ્ચિમ બંગાળનાં ક્રિકેટર મનોજ તિવારીએ મમતા બેનર્જીની પાર્ટી ટીએમસીનો હાથ પકડ્યો
• અશોક ડિંડાએ બીજેપીમાં જોડાવાની જાહેરાત કરી
• પશ્ચિમ બંગાળમાં વિધાનસભા ચૂંટણીની જાહેરાત થઈ શકે છે.

અશોક ડિંડા બીજેપીમાં જોડાયો

ભારતનાં બે ક્રિકેટરોએ આજે પશ્ચિમ બંગાળમાં રાજનીતિક કરિયરનો આગાઝ કરી દીધો છે. બપોરે બેટ્સમેન મનોજ તિવારીએ તૃણમુલ કોંગ્રેસ સાથે હાથ મીલાવ્યો તો સાંજ પડતા પૂર્વ ફાસ્ટ બોલર અશોક ડિંડા બીજેપીમાં સામેલ થયો. બોલર અશોકે કેન્દ્રિય મંત્રી બાબુલ સુપ્રિયો અને પશ્ચિમ બંગાળમાં પાર્ટીનાં ઉપાધ્યક્ષ અર્જુન સિંહની ઉપસ્થિતિમાં બીજેપીની સભ્યતા લીધી.ડિંડાએ આ મહિને જ ક્રિકેટમાંથી સંન્યાસ લીધો હતો. તેણે બીસીસીઆઈને મેલ મોકલીને તેનાં ક્રિકેટ કરિયરને અલવિદા કરી દીધું હતું. ડિંડાએ ભારત તરફથી 13 વનડે અને 9 ટી-20 મેચ રમી હતી. વનડેમાં ડિંડાનાં નામે 12 અને ટી-20માં 17 વિકેટ છે.

West Bengal: Former cricketer Ashok Dinda joins BJP in presence of Union Minister Babul Supriyo and state BJP vice-president Arjun Singh at a public meeting in Kolkata. pic.twitter.com/sAthwrsNDI

— ANI (@ANI) February 24, 2021

મનોજ તિવારી ટીએમસીમાં જોડાયો

પશ્ચિમ બંગાળની ચૂંટણીમાં અન્ય એક ભારતીય ખેલાડી મનોજ તિવારીએ પણ એન્ટ્રી લઈ લીધી છે. મનોજ તિવારી તૃણમુલ કોંગ્રેસમાં સામેલ થઈ ગયો છે. તૃણમુલ કોંગ્રેસ પ્રમુખ મમતા બેનર્જીએ બુધવારે હુગલીનાં ડનલપ ગ્રાઉન્ડમાં રેલી કરી અને તે રેલીમાં મનોજ તિવારીને તેમણે પાર્ટીમાં સમાવેશ કર્યો. મનોજ તિવારીએ પાર્ટીમાં પ્રવેશ કરતાની સાથે નિવેદન આપ્યું હતું કે, બીજેપી આપણને સાંપ્રદાયિકતાનાં આધાર પર વિભાજિત કરે છે અને મમતા બેનર્જી સેક્યુલરની રાહે આગળ વધે છે.

Moments from an unforgettable day.

আজ থেকে আমি তৃণমূল কংগ্রেসের একনিষ্ঠ কর্মী। Need all your love and support!#DidiShowsTheWay #AssemblyElection #WestBengal #JoyBangla pic.twitter.com/dfRmzgQHwe

— MANOJ TIWARY (@tiwarymanoj) February 24, 2021

સયાની ઘોષ સાથે અન્ય કલાકારો પણ ટીએમસીમાં જોડાયા

હુગલીનાં મંચ પર મનોજ તિવારીની સાથે અમુક એક્ટ્રેસ, એક્ટર અને પ્રોડ્યુસર પણ મમતા બેનર્જીની પાર્ટીનો ઝંડો લઈને જોવા મળ્યા. એક્ટ્રેસ સયાની ઘોષ, જૂન માલિયા, પ્રોડ્યુસર રાજ ચક્રવર્તી અને એક્ટર કંચન મલિકે પણ મમતા બેનર્જીની હાજરીમાં ટીએમસીનો ઝંડો ઉઠાવ્યો છે.