IPL 2023 / મુંબઈ સામે પંજાબની હારનો સૌથી મોટો વિલન બન્યો અર્શદીપ સિંહ, બોલરના નામે નોંધાયો શરમજનક રેકોર્ડ

• અર્શદીપ સિંહના નામે એક શરમજનક રેકોર્ડ જોડાયો
• અર્શદીપ સિંહ આ મેચમાં સૌથી મોટો વિલન સાબિત થયો
• IPL ઇતિહાસમાં પાંચ સૌથી મોંઘા સ્પેલ

IPL 2023 ની 46મી મેચ પંજાબ કિંગ્સ અને મુંબઈ ઈન્ડિયન્સ વચ્ચે રમાઈ હતી અને આ મેચમાં પંજાબ કિંગ્સની ટીમને મુંબઈ ઈન્ડિયન્સના હાથે 6 વિકેટે હારનો સામનો કરવો પડ્યો હતો. જણાવી દઈએ એક આ હાઈ-સ્કોરિંગ મેચમાં બંને ટીમના બેટ્સમેનોએ ઘણો સ્કોર કર્યો હતો. બુધવારે રમાયેલી આ મેચમાં જાણે બોલરો કમાલ બતાવી શક્યા નહતા. સાથે જ આ દરમિયાન પંજાબના બોલર અર્શદીપ સિંહના નામે એક શરમજનક રેકોર્ડ જોડાયો હતો. જણાવી દઈએ કે છેલ્લી વખત જ્યારે મુંબઈ અને પંજાબ સામસામે હતા ત્યારે અર્શદીપ સિંહ પંજાબ માટે હીરો બનીને ઉભરી આવ્યો હતો પણ આ મેચમાં તે સૌથી મોટો વિલન સાબિત થયો હતો.

અર્શદીપ સિંહના નામે શરમજનક રેકોર્ડ
મુંબઈ ઈન્ડિયન્સ સામે રમાયેલી મેચમાં પંજાબ કિંગ્સની હાર પાછળ અર્શદીપ સિંહની નબળી બોલિંગનો સૌથી મોટો ફાળો હતો. તેને આ મેચમાં 3.5 ઓવરમાં 66 રન આપ્યા હતા. આઈપીએલના ઈતિહાસમાં તે ત્રીજો સૌથી મોંઘો બોલર બન્યો હતો. અર્શદીપ સિંહે આ સમયગાળા દરમિયાન ઈશાંત શર્મા અને મુજીબુર રહેમાનના રેકોર્ડની બરાબરી કરી લીધી છે. અગાઉ આ યાદીમાં ઈશાંત શર્મા ત્રીજા સ્થાને હતો. તેણે 013માં ચેન્નાઈ સુપર કિંગ્સ સામે 4 ઓવરમાં 66 રન આપ્યા હતા . હવે અર્શદીપ સિંહ માટે આ એક શરમજનક રેકોર્ડ છે.

Arshdeep Singh finishes with 1/66 in 3.5 overs - his most expensive spell in IPL history.

Comeback strong, Arshdeep! pic.twitter.com/fnSy1bYMoq

— Mufaddal Vohra (@mufaddal_vohra) May 3, 2023

IPL ઇતિહાસમાં પાંચ સૌથી મોંઘા સ્પેલ
બેસિલ થમ્પી - 0/70 (4 ઓવર)
યશ દયાલ - 0/69 (4 ઓવર)
અર્શદીપ સિંહ - 1/66 (3.5 ઓવર)
મુજીબુર રહેમાન - 1/66 (4 ઓવર)
ઈશાંત શર્મા - 0/66 (4 ઓવર)

Hey @PunjabKingsIPL.
We have successfully caught and punished the criminals.👀#Justice #TrustMumbaiPolice https://t.co/BopJGrdWi2 pic.twitter.com/ZAfm967mYD

— मुंबई पोलीस - Mumbai Police (@MumbaiPoliice) May 3, 2023

કેવી રહી MI vs PBKS મેચ
IPL 2023માં મુંબઈ ઈન્ડિયન્સ અને પંજાબ કિંગ્સ વચ્ચે રમાયેલી મેચમાં મુંબઈના કેપ્ટન રોહિત શર્માએ ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરતા પંજાબ કિંગ્સે 20 ઓવરમાં 3 વિકેટ ગુમાવીને 214 રન બનાવ્યા હતા. આ દરમિયાન લિયામ લિવિંગસ્ટોન અને જીતેશ શર્માએ શાનદાર ઇનિંગ્સ રમી હતી. મુંબઈ સામે 215 રનનો ટાર્ગેટ આપવામાં આવ્યો હતો. બીજા દાવમાં મુંબઈએ 18.5 ઓવરમાં 4 વિકેટ ગુમાવીને આ લક્ષ્ય મેળવી લીધો હતો.