બ્રેકિંગ ન્યુઝ
KKRએ IPL 2024ના ફાઈનલમાં મેળવ્યું સ્થાન, SRH સામે 8 વિકેટે જીત
કચ્છમાં પૂર્વ કચ્છ ACB ટ્રેપમાં વધુ એક લાંચ લેતો કર્મચારી ઝડપાયો
IPL 2024 Qualifier 1 KKR vs SRH: SRHએ જીત્યો ટોસ, KKR સામે પ્રથમ બેટિંગ, પ્રથમ દાવમાં બનાવ્યા 159 રન
ધોરણ 12 વિજ્ઞાન પ્રવાહ માટે પૂરક પરિક્ષાના ફોર્મ ભરવા માટેની 1 દિવસની સમય મર્યાદા વધારાઈ
ભાવનગરના બોર તળાવમાં 5 બાળકીઓ ડૂબી જતા 4ના મોત
દિલ્હીઃ દારૂ કૌભાંડ મામલે 'આપ'ના નેતા મનીષ સિસોદિયાની જ્યુડિશિયલ કસ્ટડી લંબાવાઈ
જમ્મુ-કાશ્મીરઃ પુલવામાના ત્રાલમાં સૈન્ય અને આતંકીઓ વચ્ચે ગોળીબાર
સ્માર્ટ વીજ મીટરને લઈ ગુજરાત સરકારનો મહત્વનો નિર્ણય
રાજકોટમાં પોલીસ ભરતી માટે તૈયારી કરતા યુવાનનું મોત
સ્વાતિ માલીવાલ કેસમાં દિલ્હી પોલીસે બનાવી SITની ટીમ
Dinesh
Last Updated: 07:36 AM, 1 April 2024
1 April : નવું નાણાકીય વર્ષ આજથી એટલે કે, 1 એપ્રિલથી શરૂ થયું છે અને નાણાં સંબંધિત છ મોટા ફેરફારો થયા છે. જેની સીધી અસર તમારા ખિસ્સા પર પડી શકે છે. વાત જાણે એમ છે કે, આ મોટા ફેરફારોમાં ક્રેડિટ કાર્ડ અને NPS સહિતના ઘણા નિયમોનો સમાવેશ થાય છે. આ ફેરફારો તમારા રોકાણ અને નાણાં ખર્ચને અસર કરશે. ચાલો આ 6 ફેરફારો વિશે જાણીએ જે આજથી એપ્રિલ 2024માં અમલમાં આવ્યા છે.
ADVERTISEMENT
NPS નિયમોમાં ફેરફાર
પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) એ નેશનલ પેન્શન સિસ્ટમ (NPS) ને વધુ સુરક્ષિત બનાવવા માટે આધાર આધારિત બે-સ્ટેપ ઓથેન્ટિકેશન સિસ્ટમ રજૂ કરી છે. આ સિસ્ટમ તમામ પાસવર્ડ બેઝ NPS વપરાશકર્તાઓ માટે હશે જે આજથી 1 એપ્રિલથી લાગુ કરવામાં આવ્યા છે. PFRDAએ 15 માર્ચે નોટિફિકેશન બહાર પાડ્યું હતું.
ADVERTISEMENT
SBI ક્રેડિટ કાર્ડમાં ફેરફારો
SBI કાર્ડે જાહેરાત કરી હતી કે, 1 એપ્રિલ, 2024 થી કેટલાક ક્રેડિટ કાર્ડ્સ માટે ભાડાની ચૂકવણીના વ્યવહારો પર રિવોર્ડ પોઈન્ટનું સંગ્રહ બંધ કરવામાં આવશે. જેમાં AURUM, SBI કાર્ડ એલિટ, SBI કાર્ડ એલિટ એડવાન્ટેજ, SBI કાર્ડ પલ્સ અને SimplyClick SBI કાર્ડનો સમાવેશ થાય છે.
ક્રેડિટ કાર્ડ સંબંધિત નિયમો
યસ બેંકે કહ્યું છે કે, જેઓ ક્રેડિટ કાર્ડ પર કેલેન્ડર ક્વાર્ટરમાં રૂ. 10 હજાર કે તેથી વધુ ખર્ચ કરે છે તેઓને મફત ડોમેસ્ટિક લોન એક્સેસ ઉપલબ્ધ થશે. બીજી તરફ જો તમે ICICI બેંક ક્રેડિટ કાર્ડ હેઠળ એક ક્વાર્ટરમાં રૂ. 35 હજાર કે તેથી વધુ ખર્ચ કરો છો તો તમને એરપોર્ટ લાઉન્જ એક્સેસની સુવિધા મળશે. આ નિયમ આજથી 1લી એપ્રિલથી લાગુ થયું છે. આ સિવાય એક્સિસ બેંક ક્રેડિટ કાર્ડ્સ પર ઈંધણ, વીમા અને સોના પર ખર્ચ કરવા માટે રિવોર્ડ પોઈન્ટ આપવામાં આવશે નહીં. જેનો અમલ 20 એપ્રિલથી કરવામાં આવશે.
OLA Money Wallet
Ola Money એ જાહેરાત કરી હતી કે, તે 1 એપ્રિલ, 2024 થી દર મહિને 10,000 રૂપિયાના મહત્તમ વોલેટ લોડ પ્રતિબંધ સાથે નાની PPI (પ્રીપેડ પેમેન્ટ ઇન્સ્ટ્રુમેન્ટ) વોલેટ સેવાઓ પર સંપૂર્ણપણે સ્વિચ કરી રહ્યું છે. કંપનીએ તેના ગ્રાહકોને 22 માર્ચે SMS મોકલીને આ અંગે જાણ કરી હતી.
ફાસ્ટેગ કેવાયસી
જો તમે 31 માર્ચ, 2024 સુધીમાં ફાસ્ટેગ કેવાયસી અપડેટ નહીં કર્યો હોય તો તમને આજથી 1 એપ્રિલથી ફાસ્ટેગનો ઉપયોગ કરવામાં સમસ્યાનો સામનો કરવો પડી શકે છે. તમને જણાવી દઈએ કે, NHAI એ Fastag KYC ફરજિયાત બનાવ્યું છે.
વાંચવા જેવું: આજે એપ્રિલ ફૂલ ડે..કેમ લોકો એક બીજાને બનાવે છે મૂર્ખ? ઉજવણીનું કારણ રોચક
LPG ગેસની કિંમત
LPG સિલિન્ડરની કિંમત દર મહિનાની પહેલી તારીખે દેશભરમાં બદલાય છે. આજથી 1 એપ્રિલે કોમર્શિયલ અને ડોમેસ્ટિક ગેસ સિલિન્ડરની કિંમતમાં ફેરફાર થઈ શકે છે. જોકે, લોકસભાની ચૂંટણી વચ્ચે આ ભાવમાં ફેરફારની શક્યતા ઘણી ઓછી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT