સુરત / ડ્રેનેજ સાફ કરવા ઉતરેલા વધુ એક સફાઇ કામદારનું ગૂંગળામણથી મોત, પરિવારજનોએ કર્યો મૃતદેહ સ્વીકારવાનો ઇન્કાર

• ગુંગળામણથી એક સફાઇ કામદારનું નિપજ્યું મોત 
• ત્રણ લોકો મોલની ડ્રેનેજ સાફ કરવા ઉતર્યા હતા
• સફાઈ કર્મી રઘુભાઈ સોલંકીનું ગુંગળામણથી મોત
• બિલ્ડિંગના માલિક મૃતક શ્રમિકના પરિવારજનોને વળતર આપે તેવી માગ
• માંગણીનો સ્વીકાર નહીં કરવામાં આવે તો મૃતદેહના અસ્વીકારની ચીમકી

રાજ્યમાં વધુ એક સફાઇ કામદારનું ગુંગળામણથી મોત થયાનું સામે આવ્યું છે. આ ઘટના સુરતના ભીમરાડ રોડથી સામે આવી છે. વાત જાણે એમ છે કે, સુરતના ભીમરાડ રોડ પર ત્રણ લોકો એક મોલની ડ્રેનેજ સાફ કરવા ઉતર્યા હતા. આ દરમિયાન અચાનક એક શ્રમિકનું ગુંગળામણથી મોત થતાં ચકચાર મચી ગઈ છે. જેને લઈ હવે મૃતકના પરિવારજનોએ વળતરની માંગ સાથે મૃતદેહના અસ્વીકારની ચીમકી આપી છે. 

ગુજરાતમાં અનેક વાર ગટર સાફ કરવા ઉતરતા સફાઇ કર્મચારીના મોતની ઘટના સામે આવે છે. આ તરફ હવે સુરતના ભીમરાડ રોડ પર આવેલ એક્સલસ બિલ્ડિંગમાં પણ આવી જ ઘટના સામે આવી છે. વિગતો મુજબ સફાઈ કર્મી રઘુભાઈ સોલંકી સહિતના ત્રણ સફાઇ કામદાર આ મોલમાં  ડ્રેનેજ સાફ કરવા ઉતર્યા હતા. આ દરમિયાન સફાઈ કર્મી રઘુભાઈ સોલંકીનું ગુંગળામણથી મોત થયું છે. 

સફાઇ કામદારના મોતથી પરિવાર શોકમગ્ન 
ભીમરાડ રોડ પર આવેલ એક્સલસ બિલ્ડિંગ મોલમાં સફાઇ કામદારના મોત બાદ પરિવારજનો શોકમગ્ન બન્યા છે. આ તરફ ભીમરાડ રોડ પર આવેલી એક્સલસ બિલ્ડિંગના માલિક મૃતક શ્રમિકના પરિવારજનોને વળતર આપે તેવી માંગ પરિવાર દ્વારા કરવામાં આવી છે. આ સાથે જો માંગણીનો સ્વીકાર નહીં કરવામાં આવે તો મૃતદેહના અસ્વીકારની ચીમકી પણ ઉચ્ચારાઈ છે. 

સળગતા સવાલ 

• હજુ ક્યાં સુધી સુરક્ષા સાધનોના અભાવે શ્રમિકો જીવ ગુમાવશે?
• અગાઉ પણ ગુંગળામણથી એકનું મોત થયું હતું તે બાદ પણ પગલાં કેમ ન લેવાયા?
• ક્યારે મળશે મૃતક શ્રમિકના પરિવારજનોને ન્યાય?
• શું બિલ્ડિંગના માલિક મૃતક શ્રમિકના પરિવારની કરશે મદદ?
• ક્યારે નગરપાલિકાઓને અપાશે સુરક્ષાના સાધનો?