મેધમહેર / સાંતલપુરમાં સૌથી વધુ 6.5 ઇંચ સાથે ગુજરાતમાં વરસાદની બીજી વિસ્ફોટક ઈનિંગ, 12 કલાકમાં 231 તાલુકાને ધમરોળ્યા, જુઓ ક્યાં કેટલો

• રાજ્યમાં છેલ્લા 12 કલાકમાં 231 તાલુકામાં વરસાદ
• પાટણના સાંતલપુરમાં સૌથી વધુ 6-5 ઇંચ વરસાદ
• રાજકોટના કોટડા સાંગાણીમાં છ ઇંચ વરસાદ ખાબકયો

રાજ્યનાં 231 તાલુકાઓમાં સવારે 6 થી બપોરનાં 6 વાગ્યા સુધી મેઘરાજા મનમુકીને વરસ્યા છે. સવારે 6 થી6 વાગ્યા સુધીમાં 231તાલુકામાં વરસાદ પડ્યો હતો. સાંતલપુરમાં 6.5 ઈંચ, રાજકોટના કોટડા સાંગાણીમાં છ ઇંચ, અબડાસામાં સવા પાંચ ઈંચ, ખંભાળિયામાં 5 ઈંચ, ઉપલેટામાં સવા ચાર ઈંચ, કોડટા સાંગાણીમાં 3.5 ઈંચ, વડગામમાં 3.5 ઈંચ, રાપરમાં 3 ઈંચ, ચોટીલામાં પોણા ત્રણ ઈંચ, માંગરોળમાં પોણા ત્રણ ઈંચ, સિદ્ધપુરમાં પોણા ત્રણ ઈંચ, કેશોદમાં 2.5 ઈંચ, વંથલીમાં 2.5 ઈંચ, ગઢડામાં 2.5 ઈંચ, માળિયા હાટીનામાં 2.5 ઈંચ, બરવાળામાં સવા બે ઈંચ, સતલાસણામાં સવા બે ઈંચ, તેમજ ગોંડલમાં પણ સવા બે ઈંચ, મોરબીમાં સવા બે ઈંચ વરસાદ નોંધાયો હતો.

બનાસકાંઠામાં સારો વરસાદ પડતા જિલ્લાનો જીવાદોરી સમાન દાંતીવાડા ડેમમાં 1 હજાર 504 ક્યૂસેક પાણીની આવક થઈ છે.. ડેમમાં 589.15 ફૂટ પાણી ભરાયું છે જ્યારે ડેમની ભયજનક સપાટી 604 ફૂટ છે.. ડેમમાં 60%થી પાણી આવક થતા ખેડૂતોને થશે લાભ.

કચ્છમાં પણ મેઘરાજાએ મહેર કરી છે.. ધોધમાર વરસાદના કારણે જિલ્લાના ડેમ છલકાયા છે.. અબડાસામાં ધોધમાર વરસાદ ખાબકતા નાનીબેર ગામનો વિજોડા ડેમ ઓવર ફ્લો થયો છે.. ભુજ નજીક આવેલો ગજોડ ડેમ પણ ઓવરફ્લો થતા આસપાસના ગામોને એલર્ટ કરાયા છે..

સાબરકાંઠા જિલ્લા અને ઉપરવાસમાં ભારે વરસાદ પડતા સાબરમતી નદીમાં નવા નીર આવ્યા છે.. જેના કારણે ઉત્તર ગુજરાતના જીવાદોરી સમાન ધરોઈ ડેમમાં 2 હજાર ક્યૂસેક પાણીની આવક થઈ છે.. ચોમાસાની શરૂઆતમાં જ ધરોઈ ડેમ 63%થી વધુ ભરાયો છે.. 

ભાવનગર જિલ્લામાં પણ ધોધમાર વરસાદ પડતા શેત્રુંજી ડેમમાં સતત પાણીની આવક થઈ રહી છે.. શેત્રુંજી ડેમમાં 2 હજાર ક્યૂસેકથી વધુ પાણીની આવક નોંધાઈ છે..

રાજ્યમાં મેઘરાજાએ મહેર કરી છે ત્યારે મોટાભાગના જિલ્લાની નદીઓ બે કાંઠે થઇ છે. સાબરકાંઠા જિલ્લામાં સાબરમતી, હરણાવ, કોસંબી નદી બે કાંઠે થઈ છે..

ઉપરવાસમાં વરસાદને પગલે તાપી નદીમાં પાણીની આવક થઈ છે.. સુરતના માંડવીમાંથી પસાર થતી તાપી નદી પર બનાવાયેલા બ્રિજ અને નદીનો ચોમાસા દરમિયાન નયનરમ્ય દ્રશ્યો જોવા મળ્યા હતા..

તો આ તરફ સુરેન્દ્રનગરમાં પણ મેઘરાજાએ ધમાકેદાર બેટિંગ કરી છે.. ચોટીલા પંથકમાં ભારે વરસાદને કારણે નદી બે કાંઠે થઈ છે.  પીપળિયા ગામની નદીમાં સતત પાણીની આવકથી નીચાણવાળા વિસ્તારોમાં પાણી ભરાયા છે સાથે અનેક માર્ગોનું ધોવાણ થતા લોકોને હાલાકી ભોગવવાનો વારો આવ્યો.

તો મોરબી જિલ્લામાં સર્વત્ર મેઘરાજાએ મહેર કરી છે.. ભારે વરસાદના પગલે જિલ્લાના હળવદની બ્રાહ્મણી નદી બે કાંઠે વહી છે. નદીનું પાણી રોડ પર ફરી વળત વાહનવ્યવહારને અસર થઇ હતી. 

આ તરફ ગીર સોમનાથમાં પણ ધોધમાર વરસાદ વરસ્યો છે.. જિલ્લાની નદીઓમાં નવા નરી આવક થઇ છે.. ભારે વરસાદથી સરસ્વતી નદીમાં ઘોડાપૂર આવ્યું છે.. તો ગાભા ગામની નદીમાં પણ પૂર જેવી સ્થિતિનું નિર્માણ થયું હતું.. નદીઓ બે કાંઠે થતા નીચાણવાળા વિસ્તારમાં પાણી ભરાયા હતા.. જેને લઇ સ્થાનિકોને પારાવાર મુશ્કેલી પડી હતી..

અરવલી જિલ્લામાં સતત વરસાદના કારણે ભિલોડાની બુઢેલી નદીમાં નવા નીરની આવક થઈ છે.. નવા નીરની આવક થતા આસપાસના ખેડૂતોને સિંચાઇનો લાભ મળી રહેશે.