ટેક્નોલોજી / એન્ડ્રોઈડ ફોનમાં પ્રાઈવસીને લઈને ટેન્શનમાં છો? બસ આટલા સેટિંગ કરી દો ચેન્જ

આજકાલ મોબાઇલમાં અમારી ઘણી જ મહત્વની માહિતી હોય છે, જેમ કે બેંકની માહિતી, આરોગ્ય સંબંધિત ડેટા, ફોટા, મેસેજ અને પાસવર્ડ. ઘણી એપ્સ આ માહિતી સુધી પહોંચવાની પરમિશન માંગે છે. કેટલીક એપ્સ તો કેમેરા, લોકેશન અને માઇક્રોફોનની પણ પરમિશન લઈ લે છે. એટલે તમારા ડેટાને સુરક્ષિત રાખવા માટે ફોનની કેટલીક સેટિંગ્સ ચકાસવા જરૂરી છે.

સેટિંગ ચેક કરો

સૌથી પહેલા નોટિફિકેશન સેટિંગ ચેક કરો. ફોનમાં આવતા મેસેજ, બેંક એલર્ટ અથવા OTP જેવી માહિતી અન્ય ડિવાઇસ પર પણ દેખાઈ શકે છે. જે એપ્સનો તમે ઓછો ઉપયોગ કરો છો તેમની નોટિફિકેશન બંધ કરી દો. બીજું એડવરટાઇઝિંગ આઈડી સેટિંગમાં જઈને ડિલીટ અથવા રીસેટ કરો જેથી તમારી ઓનલાઈન પ્રવૃત્તિ મુજબ જાહેરાતો બતાવવી મુશ્કેલ બને.

આજકાલ આપણા મોબાઇલમાં આરોગ્યની માહિતીથી લઈને બેંક ખાતાની વિગતો સુધી ઘણી જ ખાનગી માહિતી હોય છે. ઘણી કંપનીઓ અને હેકર્સ પણ આ માહિતી મેળવવાની કોશિશ કરતા હોય છે. એક સર્વે મુજબ લગભગ 70 ટકા એપ્સ તમારા ખાનગી ડેટા સુધી પહોંચે છે અને લગભગ 60 ટકા એપ્સ કેમેરા, લોકેશન અને માઇક્રોફોન જેવી પરમિશન માંગે છે. તેથી તમારા ડેટાને સુરક્ષિત રાખવું ખૂબ જ જરૂરી છે. તમે એન્ડ્રોયડ ફોનમાં કેટલીક સેટિંગ્સ બદલીને તમારી પ્રાઇવસી વધુ સારી રીતે બચાવી શકો છો.

તમારા ફોનમાં કોઈ મેસેજ કે બેંકનો એલર્ટ આવે છે તે ઘણી વાર સ્માર્ટવોચ કે બીજા ડિવાઇસ પર પણ દેખાય છે. એન્ડ્રોયડમાં એવું સેટિંગ હોય છે કે જેમાં એપ્સની નોટિફિકેશન બીજા ડિવાઇસ પર પણ દેખાય. આ નોટિફિકેશનમાં મેસેજ, ઇમેલ, બેંકની માહિતી કે સોશિયલ મીડિયા એલર્ટ જેવી ખાનગી માહિતી હોઈ શકે છે. તેથી જે એપ્સનો તમે રોજ ઉપયોગ કરતા નથી તેમની નોટિફિકેશનની પરમિશન બંધ કરી દેવી જોઈએ જેથી તમારી ખાનગી માહિતી સુરક્ષિત રહે.

એડવર્ટાઈઝિંગ આઈડી ડિલીટ કરો

ગૂગલ દરેક મોબાઇલને એક ખાસ એડવરટાઇઝિંગ આઈડી આપે છે. આ આઈડીની મદદથી તમે કઈ એપ વાપરો છો અને શું જુઓ છો તેના આધાર પર તમને જાહેરાતો બતાવવામાં આવે છે. તમે તમારા એન્ડ્રોયડ ફોનની સેટિંગમાં જઈને આ એડવરટાઇઝિંગ આઈડી ડિલીટ અથવા રીસેટ કરી શકો છો. આમ કરવાથી જાહેરાતો તો દેખાશે પરંતુ કંપનીઓ માટે તમારી પ્રવૃત્તિ મુજબ તમારો રેકોર્ડ બનાવવો મુશ્કેલ બની જશે અને તમારી માહિતી વધુ સુરક્ષિત રહેશે.

એન્ડ્રોયડ ફોનમાં એક સેટિંગ હોય છે જેમાં તમારા ફોનનો ઉપયોગ કેવી રીતે કરો છો તેની માહિતી ગૂગલ સાથે શેર થાય છે. આ માહિતી ફોનની કામગીરી સુધારવા માટે લેવાય છે. ઘણા ફોનમાં આ વિકલ્પ પહેલાથી જ ચાલુ હોય છે. જો તમે ઇચ્છો તો સેટિંગમાં જઈને “યૂઝેજ અને ડાયગ્નોસ્ટિક ડેટા” શેરિંગ બંધ કરી શકો છો, જેથી તમારી ઉપયોગની માહિતી બહાર ન જાય અને પ્રાઇવસી વધુ સુરક્ષિત રહે.

આ પણ વાંચોઃ આગામી અઠવાડિયે લોન્ચ થશે 4 સ્માર્ટફોન, iPhone 17e સિવાય કયા આવશે ફોન?

મોબાઇલમાં જ્યારે તમે કોઈ નવી એપ ઇન્સ્ટોલ કરો ત્યારે તે ઘણી પરમિશન માંગે છે. જો તમે ધ્યાન આપ્યા વગર બધી પરમિશન આપી દો તો તે મોટી ભૂલ બની શકે છે. કેટલીક એપ્સ જરૂરી કરતાં વધારે પરમિશન લઈ લે છે અને તમારી માહિતી તેમના બનાવનાર સુધી પહોંચાડી શકે છે. તેથી એપને ફક્ત એટલી જ પરમિશન આપો જેટલી તેની કામ માટે જરૂરી હોય. તમે ફોનની સેટિંગમાં જઈને કઈ એપ પાસે કઈ પરમિશન છે તે પણ ચકાસી શકો છો અને અનાવશ્યક પરમિશન બંધ કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ