- પટના હાઈકોર્ટના એક જજે એક IAS અધિકારીને ઠપકો આપતો VIDEO વાયરલ
- IAS અધિકારી આનંદ કિશોર સફેદ શર્ટમાં આવતા જજે ફિટકાર લગાવી
- સોશિયલ મીડિયા પર આ ઘટનાનો VIDEO વધારે માત્રામાં લોકોએ શેર કર્યો
પટના હાઈકોર્ટના એક જજે શુક્રવારના રોજ વરિષ્ઠ IAS અધિકારી આનંદ કિશોરને તેમના 'અયોગ્ય' ડ્રેસિંગ કોડ માટે ઠપકો આપ્યો હતો. ત્યારે જજની ફિટકાર દરમિયાન, અધિકારી એવું દર્શાવવાનો પ્રયાસ કરી રહ્યાં હતા કે તેઓ કોર્ટમાં અનુસરવામાં આવતા કોઈ પણ ડ્રેસ કોડથી સંપૂર્ણપણે અજાણ છે. જજે અધિકારીને ઠપકો આપતા પૂછ્યું કે, 'શું તેઓને એવું લાગે છે કે તેઓ એક મૂવી થિયેટરમાં આવ્યા છે.' જો કે, હવે આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વાસ્તવમાં આ મામલો જજ પીબી બજંથરીની કોર્ટનો છે.
જજે પૂછ્યું કે, "શું તમને એવું લાગે છે કે આ એક સિનેમા હોલ છે?"
જ્યારે જજ પીબી બજંથરીએ IAS અધિકારીને અયોગ્ય ડ્રેસમાં જોઈને તેઓને પૂછ્યું કે 'શું તેઓએ મસૂરીમાં સિવિલ સેવા પ્રશિક્ષણ સંસ્થામાં ભાગ નથી લીધો?' બાદમાં અધિકારી જજના સવાલનો જવાબ વિચારતા જોવા મળ્યા, મોટાભાગનો સમય તેઓ ત્યાં જ ઊભા રહીને જજની વાત સાંભળતા રહ્યાં. પરંતુ એવામાં વચ્ચે જજ બજંથરીએ પૂછ્યું કે, "શું તમને એવું લાગે છે કે આ એક સિનેમા હોલ છે?" શું તમે નથી જાણતા કે તમારે કયા ડ્રેસ કોર્ટમાં કોર્ટમાં આવવાનું છે?" ઓછામાં ઓછો કોટ અને કોલર તો ખુલ્લા ના હોવા જોઇએ."
સોશિયલ મીડિયા પર આ ઘટનાનો VIDEO વધારે માત્રામાં લોકોએ શેર કર્યો
આ દરમ્યાન IAS અધિકારી પોતાની આસપાસ હાજર વકીલને દેખતા જોવા મળ્યાં. તમને જણાવી દઇએ કે IAS આનંદ કિશોરને બિહારના CMની ખાસ નજીકના માનવામાં આવે છે. હવે આ ઘટનાનો વીડિયો ઇન્ટરનેટના જગતમાં પણ ભારે ચર્ચાનો વિષય બન્યો છે. આ જ કારણ છે કે, સોશિયલ મીડિયા પર પણ આ ઘટનાના VIDEOને વધારે લોકોએ શેર કર્યો છે. આ વાયરલ વીડિયો ક્લિપમાં જજને બે મિનિટથી પણ વધારે સમય સુધી અધિકારીને ફિટકાર લગાવતા જોઇ શકાય છે કારણ કે તેઓ એક સફેદ શર્ટમાં પોતાના કોલર બટન ખુલ્લા અને વગર બ્લેઝરે સુનાવણી માટે પહોંચ્યા હતાં.
