- કેન્દ્રીય ગૃહમંત્રી અમિત શાહ આજે અમદાવાદની મુલાકાતે
- AMC સંચાલિત 4 સ્માર્ટ સ્કૂલોનું અમિત શાહ કરશે લોકાર્પણ
- 36મી નેશનલ ગેમ્સનો મેસ્કોટ અને એન્થમ સોન્ગને લોન્ચ કરશે
કેન્દ્રીય ગૃહમંત્રી અમિત શાહ ગઇકાલે રાત્રે 11 વાગ્યે અમદાવાદ આવી પહોંચ્યા હતા. જ્યાં તેઓનું એરપોર્ટ પર સંગઠનના સભ્યો દ્વારા સ્વાગત કરવામાં આવ્યું હતું. ત્યારે ગૃહમંત્રી આજે અમદાવાદમાં વિવિધ વિકાસકાર્યોનું લોકાર્પણ કરશે. આ સાથે નેશનલ ગેમ્સના એન્થમ સોન્ગને પણ લોન્ચ પણ કરશે.
ગૃહમંત્રી અમિત શાહ આજ રોજ અમદાવાદમાં સ્માર્ટ સ્કૂલોનું લોકાર્પણ કરશે. અમદાવાદમાં નવા વાડજ, ઘાટલોડીયા અને થલતેજ વિસ્તારમાં સ્માર્ટ સ્કૂલો બનાવવામાં આવી છે. થલતેજમાં બનાવવામાં આવેલી સ્માર્ટ શાળા 2000 વારની જગ્યામાં બનાવવામાં આવી છે. ગૃહમંત્રી અમિત શાહ દ્વારા આ તમામ સ્માર્ટ શાળાઓનું લોકાર્પણ કરવામાં આવશે. શહેરની નારણપુરા શાળા નંબર-6, ઘાટલોડિયા શાળા નંબર-2, વાડજની ગાંધીનગર શાળા નંબર-2 અને થલતેજની શાળા નંબર-2નું ઉદ્ઘાટન કરાશે.
- AMC સંચાલિત 4 સ્માર્ટ સ્કૂલોનું અમિત શાહ લોકાર્પણ કરશે
- હાલ AMC સ્કૂલ બોર્ડમાં 16 સ્માર્ટ સ્કૂલો છે કાર્યરત
- અંગ્રેજી માધ્યમમાં બાળકોને શિક્ષણ મળે તે હેતુથી વધુ સ્કૂલો શરૂ કરાશે
ઉલ્લેખનીય છે કે અમદાવાદના ટ્રાન્સસ્ટેડીયા ખાતે રવિવારે એટલે કે આજ રોજ યોજાનારા ભવ્ય સમારોહમાં કેન્દ્રીય ગૃહમંત્રી અમિત શાહ 36માં રાષ્ટ્રીય રમતોત્સવના મૅસ્કોટનું અનાવરણ કરશે. મહત્વનું છે કે, ગુજરાતમાં 29 સપ્ટેમ્બરથી 12 ઓક્ટોબર દરમિયાન યોજાનારી 36મી નેશનલ ગેમ્સનું ઍન્થમ પણ આ રંગારંગ કાર્યક્રમમાં અમિત શાહ લૉન્ચ કરાશે.
આ કાર્યક્રમ દરમ્યાન મુખ્યમંત્રી ભૂપેન્દ્રપટેલ, રમત-ગમત અને યુવા પ્રવૃત્તિઓના કેન્દ્રીય મંત્રી અનુરાગ ઠાકુર, ગુજરાતના રમત-ગમત અને યુવા પ્રવૃત્તિઓના મંત્રી હર્ષ સંઘવી તથા ભારતના જાણીતા રમતવીરોની ઉપસ્થિતિમાં નેશનલ ગેમ્સની વેબસાઈટ અને મોબાઇલ એપ્લિકેશન પણ લૉન્ચ કરવામાં આવશે.
જાણો અમિત શાહનો આજનો કાર્યક્રમ
1. સવારે 9 વાગ્યે
AMC સ્માર્ટ સ્કૂલોનું લોકાર્પણ
2. સવારે 11.00 વાગ્યે
છઠ્ઠી અખિલ ભારતીય પ્રિઝન ડ્યુટી મીટ
3. સાંજે 7.00 વાગ્યે
36મી નેશનલ ગેમ્સ 2022નો કર્ટેન રેઝર અને 11માં ખેલકુંભનો સમાપન સમારોહ
