સોશિયલ મીડિયા / હવે ગૃહમંત્રી અમિત શાહ પણ વોટ્સએપ ચેનલ પર, પૌત્રીઓ સાથેની તસવીર કરી શેર

• કેન્દ્રીય ગૃહમંત્રી અમિત શાહ વોટ્સએપ ચેનલ પર પારિવારિક તસવીર શેર કરી
• વોટ્સએપ ચેનલ પર પૌત્રીઓ સાથેની તસવીર શેર કરી
• આ તસવીરના સમર્થકોની સાથે સામાન્ય લોકો પણ વખાણ કરી રહ્યાં છે 

 home minister amit shah whatsapp channel : જનતા સાથે સીધો જ સંપર્ક સાધવામાં માહિર અને બૂથ સ્તરથી લઈ રાજ્ય અને દેશ સ્તર સુધીની રાજનીતિમાં મજબૂત પક્કડ ધરાવતા નેતા કેન્દ્રીય ગૃહમંત્રી અને ગાંધીનગરના સાંસદ અમિત શાહએ લોકો સાથે સંપર્ક સાધવા માટે સોશિયલ મીડિયા પર એક નવો કદમ ભર્યો છે. ગૃહ અને સહકારીતા મંત્રી અમિતશાહ અન્ય નેતાઓ અને ફિલ્મસ્ટારોની જેમ તેમણે પણ વોટ્સએપ ચેનલ બનાવી છે.   
 
દાદા અને પૌત્રી વચ્ચેના મીઠા સંબંધની તસવીર
વડાપ્રધાન નરેન્દ્ર મોદીની જેમ દેશના લોકપ્રિય નેતાઓમાંના એક એવા અમિત શાહના પણ સોશિયલ મીડિયા પર બહોળી સંખ્યામાં ફોલોઅર્સ છે. તેમના ફોલોઅર્સોને પણ તેઓ તેમના સોશિયલ મીડિયા એકાઉન્ટના માધ્યમથી અપડેટ આપતા રહે છે. અત્રે જણાવીએ કે, સામાન્ય રીતે તેઓ આ સોશિયલ મીડિયા પ્લેટ ફોર્મનો ઉપયોગ જનતાને રાજકીય સંદેશો આપવા અથવા તેમના કાર્યક્રમો સંબંધિત વાતચીત કરતા હોય છે, પરંતુ તેમણે આ વોટ્સએપ ચેનલ દ્વારા તેમનો પરિવાર પ્રત્યેનો પ્રેમ અને દાદા અને પૌત્રી વચ્ચેના મીઠા સંબંધની ખૂબ જ સુંદર તસવીર શેર કરી છે.

કેન્દ્રીય ગૃહમંત્રી અમિત શાહની ચેનલ પર જવા

 whatsapp.com/channel/0029Va5Z8AkJJhzejWyIwA12/119

લોકો તસવીરના વખાણ કરી રહ્યા 
ગૃહમંત્રી અમિત શાહે તેમની ચેનલ પર તેમની પૌત્રીઓ સાથેનો એક સુંધર ફોટો શેર કર્યો છે. જેમાં તે આરામથી બેઠો છે અને તેમની બે પૌત્રીઓ સાથે સુંદર હાસ્ય સાથે જોવા મળે છે. પાંચ રાજ્યોમાં ચાલી રહેલી વિધાનસભા ચૂંટણીની વ્યસ્તતા વચ્ચે આવેલા તેમના આ ફોટોને લઈ ઘણી બધી લાઈક્સ અને કોમેન્ટ્સ મળી રહી છે. અમિત શાહના સમર્થકોની સાથે સામાન્ય લોકો પણ પારિવારિક આત્મીયતા સાથે જોડાયેલી આ તસવીરના વખાણ કરી રહ્યા છે.