અમદાવાદ મ્યુનિસિપલ કોર્પોરેશન દ્વારા જનહિતમાં હોળીનાં તહેવાર જોગ જાહેર અનુરોધ કર્યો છે. જેમાં હોળીથી રોડને નુકશાન થતું અટકાવવા માટે હોળીને કેવી રીતે પ્રગટાવવી તે માટેનું સુચન કરવામાં આવ્યું છે.
Share
આ બાબતે અમદાવાદ મ્યુનિસિપલ કોર્પોરેશન દ્વારા અમદાવાદવાસીઓને અપીલ કરી છે કે, હોળીનાં પવિત્ર તહેવારનાં દિવસે સામાન્યતઃ શહેરનાં નાગરિકો દ્વારા રસ્તા પર હોળી પ્રગટાવવામાં આવે છે. જેના કારણે રસ્તાને ખુબ જ મોટા પ્રમાણમાં નુકશાન થાય છે. રસ્તા ઉપર ડામરવાળા ભાગમાં હોલી પ્રગટાવવાથી ડામરની ઉપરની સપાટી ખરાબ થાય છે. જેને કારણે ચોમાસાની ઋતુમાં પાણી અંદર ઉતરવાની શક્યતાઓ વધી જાય છે. તેમજ સપાટી ખરાબ થતી હોવાથી વાહન વ્યવહારને પસાર થવામાં મુશ્કેલીઓ સર્જાય છે.
Caption
અમદાવાદ મ્યુ. કોર્પોરેશન દ્વારા લોકોને અપીલ કરી
રોડને થતું નુકશાન અટકાવવા હોળી પ્રગટાવવા માટે રસ્તાની ઉપર પ્રથમ ઈંટો ગોઠવીને તેના ઉપર રેતી પાથરી તેની પર હોળી પ્રગટાવવા અમદાવાદ કોર્પોરેશન દ્વારા લોકોને અપીલ કરવામાં આવી છે.
Caption
રસ્તાને નુકશાન થતું નિવારવે કેવી રીતે હોળી પ્રગટાવશો
તેમજ હોળી રસ્તાની વચ્ચોવચ ના પ્રગટાવતા, રસ્તાની એક બાજુ ઈંટો ગોઠવી તેના ઉપર રેતી પાથરી તેની ઉપર હોળી પ્રગટાવવામાં આવે તે રસ્તાને થતું નુકશાન નિવારી શકાય.
હોળી ક્યાં નહી પ્રગટાવવી
તેમજ હોળી ઝાડની નીચે નહી પ્રગટાવતા અન્ય જગ્યા ઉપર પ્રગટાવવામાં આવે તો ઝાડ ઉપર રહેતા પક્ષીઓને થતું નુકશાન અટકાવી શકાય. તેમજ અકસ્માત નિવારણ હેતુથી હોળી ઈલેક્ટ્રીક તથા અન્ય કેબલની ઓવરહેટ લાઈનની નીચે નહી પ્રગટાવવા અમદાવાદ મ્યુનિસિપલ કોર્પોરેશ દ્વારા જાહેર જનતાને અનુરોધ કરવામાં આવે છે.
