આગાહી / લા નીનો બનવાની સ્થિતિ, આ તારીખોમાં ફરી ભૂકકા કાઢશે વરસાદ, અંબાલાલે આગાહી કરી ચેતવ્યા

હવામાન નિષ્ણાંત અંબાલાલ પટેલે આગામી દિવસોમાં હવામાનમાં થનારા ફેરફારો અંગે મહત્વપૂર્ણ આગાહી કરી છે. તેમણે જણાવ્યું કે હાલ લા નીનોની પરિસ્થિતિ સર્જાઈ રહી છે, જેના કારણે હવામાનમાં મોટાપાયે પરિવર્તન જોવા મળી શકે છે.

અરબી સમુદ્રમાં ચક્રાવાતની શક્યતા

અંબાલાલ પટેલે જણાવ્યું કે 18થી 21 ઑક્ટોબર વચ્ચે અરબી સમુદ્રમાં હલચાલ જોવા મળશે. આ હલચાલ ચક્રાવાતમાં ફેરવાઈ શકે તેવી શક્યતા પણ છે. સાથે જ બંગાળના ઉપસાગરમાં પણ આગામી દિવસોમાં મોટું વાવાઝોડું સર્જાઈ શકે છે.

દક્ષિણ ભારતમાં ભારે વરસાદ

તેમણે જણાવ્યું કે 7 થી 11 નવેમ્બર દરમિયાન દક્ષિણ ભારતમાં ભારે થી અતિભારે વરસાદ વરસવાની શક્યતા છે. આ વરસાદની અસર ગુજરાતમાં પણ જોવા મળી શકે છે, ખાસ કરીને દક્ષિણ અને મધ્ય ગુજરાતના વિસ્તારોમાં હવામાન ભેજવાળું રહેશે.

આ પણ વાંચોઃ ‘હું કોઈ પ્રેમનો વિરોધી નથી, સાચો પ્રેમ કરનારને હેરાન નહીં કરવાના પણ..': નાયબ મુખ્યમંત્રી હર્ષ સંઘવી

ઠંડીમાં વધારો

અંબાલાલ પટેલે આગળ કહ્યું કે આગામી દિવસોમાં રાજ્યમાં ઠંડીમાં ધીમે ધીમે વધારો થવાનો છે. ન્યૂનતમ તાપમાન 20 ડિગ્રી આસપાસ પહોંચી શકે છે. વાવાઝોડાની અસરથી ઠંડી ઉછી જણાશે, અને 22 ડિસેમ્બર બાદ ગાત્રો થીજવતી ઠંડી પડવાની સંભાવના છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ