રાજકોટ / ગુજરાતનાં નેતાઓને આ રોડ દેખાતો નથી? એક મહિનામાં RCCના રસ્તો ધૂળ થઈ ગયો, લોકોએ જુઓ શું કહ્યું

• જેતપુર-મેવાસા સુધીના રોડમાં ભ્રષ્ટાચાર થયાનો આક્ષેપ
• રોડ બન્યાના એક મહિનામાં રોડ બન્યો બિસ્માર
• રોડની ખરાબ સ્થિતિને લઇ સ્થાનિકોએ કર્યો આક્ષેપ

રાજકોટ જિલ્લાના ધોરાજીથી ભોળા ગામ તરફ જતો રસ્તો અત્યંત બિસ્માર બની ગયો છે રસ્તો એટલી હદે બિસ્માર બની ગયો છે કે ગામમાં ઇમર્જન્સી વાહન અને સ્કૂલ વાહન પણ જઈ શકતા નથી અને RNB વિભાગના અધિકારી રસ્તા રીપેરીંગની કામગીરીમાં ધ્યાન આપતા નથી તેવું સ્થાનિકોનો આક્ષેપ છે

જેતપુર-મેવાસા સુધીના રોડમાં ભ્રષ્ટાચાર થયાનો આક્ષેપ
ધોરાજીથી ભોળા છળાવદર ભલગામડા તરફ જતો રસ્તો એટલી હદે બિમાર છે કે અહીંથી વાહન ચાલકોને પસાર થવામાં ભારે હલાતીનો સામનો કરવો પડી રહ્યો છે અહીંથી પસાર થતા વાહન ચાલકોની વ્યથા છે કે પાંચ વર્ષ પેહલા ચોમાસાના ભારે વરસાદને કારણે અહીંના રસ્તાનું ધોવાણ થયું છે રસ્તો એટલી હદે બિસ્માર બની ગયો છે કે રસ્તામાં ખાડા કે ખાડામાં રસ્તોએ સમજવું મુશ્કેલ બન્યું છે અહીંથી નીકળતા વાહન ચાલકોનું કહેવું છે કે રસ્તા પર ડામરની ઉખડી ગયેલ કાકરીઓ અને રસ્તા પર પડેલા મસ મોટા ખાડાને કારણે છાશવારે અકસ્માતનો ભય રહે છે અને વાહન ચાલકોને જીવના જોખમે પસાર થવું પડે છે અને વાહનમાં મેન્ટેનન્સ પણ વધી રહ્યું છે

રોડ બન્યાના એક મહિનામાં રોડ બન્યો બિસ્માર
સ્થાનિકોનો આક્ષેપ છે કે ધોરાજીથી ભોળા ભલગામડા અને છાડવાવદર સુધીનો રસ્તો એટલી હદે બિસ્માર છે કે ધોરાજીથી આવવા જવામાં જે રસ્તો 10 મિનિટમાં પસાર થવો જોઈએ તે રસ્તો પસાર કરતા 40 મિનિટથી વધુનો સમય લાગે છે અને અહીંયા કોઈ દર્દી બીમાર પડે તો ઇમરજન્સી વાહન આવી શકતું નથી એમ્બ્યુલન્સ અને 108 જેવી ઇમરજન્સી સેવા પણ અહીંયા ગામ સુધી સમયસર પહોંચી શકતી નથી જેના કારણે દર્દીઓને પણ પરેશાની ભોગવવાનો વારો આવે છે છેલ્લા પાંચ વર્ષથી આ રસ્તો બિસ્માર હાલતમાં છે તંત્રને અનેકવાર રજૂઆત કરવા છતાં તંત્રના પેટનું પાણી હલતું નથી અને લોકો હાલાકી ભોગવી રહ્યા છે