દેશ / જીવનસાથીને લાંબા સમય સુધી સેક્સ સંબંધ ન બનાવવા દેવો માનસિક ક્રૂરતા- HCનો મોટો ચુકાદો

• પતિએ હાઈકોર્ટમાં છૂટાછેડાને લઈને કરી અપીલ
• લાંબા સમયથી પત્ની યૌન સંબંધ બનાવવા નહોતી આપતી પરવાનગી
• લગ્ન બાદ અલગ રહેતી હતી પત્ની તેથી પતિએ છૂટાછેડાની કરી અરજી

અલ્હાબાદ હાઈકોર્ટમાં છૂટાછેડા સંબંધિત કેસ ચાલી રહ્યો હતો. જેમાં પતિએ પત્ની પાસે છૂટાછેડાની માંગ કરતાં કહ્યું કે તેની પત્ની લાંબા સમયથી તેની સાથે યૌન સંબંધ બનાવવાની પરવાનગી નથી આપી રહી. પત્ની તેની સાથે નથી રહેતી. હાઈકોર્ટે પતિને છૂટાછેડા આપવાની પરવાનગી આપતા કહ્યું કે પતિ કે પત્નીની તરફથી લાંબા સમય સુધી વગર કોઈ કારણ જીવનસાથી સાથે યૌન સંબંધ બનાવવાની અનુમતિ ન આપવી એ એક માનસિક ક્રૂરતા કહેવાય. 

'Not Allowing Spouse To Have Sexual Intercourse For A Long Time Amounts To Mental Cruelty': Allahabad High Court @ISparshUpadhyay #AllahabadHC #MentalCruelty #Divorcehttps://t.co/0JUOyKXtqE

— Live Law (@LiveLawIndia) May 24, 2023

જસ્ટિસ સુનીત કુમાર અને જસ્ટિસ રાજેન્દ્ર કુમારની બેંચે આ મામલાની સુનાવણી કરી. પતિએ હિંદૂ મેરેજ એક્ટ 1955ની કલમ 13 અંતર્ગત ફેમિલી કોર્ટમાં અરજી દાખલ કરી હતી. ફેમિલી કોર્ટે આ અરજી ફગાવી દીધી હતી જેથી પતિએ હાઈકોર્ટનાં દ્વારે દસ્તક આપી.

પતિએ શું કરી ફરિયાદ
પતિએ કહ્યું કે બંનેનાં લગ્ન 1979માં થયાં હતાં. થોડા સમય બાદ પત્નીનો વ્યવહાર બદલાતો ગયો. પત્નીએ પતિ સાથે રહેવાથી ઈનકાર કર્યો. સમજાવ્યાં છતાં પણ કોઈ શારીરિક સંબંધો બનાવ્યાં નહી અને તે અલગ પોતાના માતા-પિતા સાથે જ રહેવા લાગી હતી. પતિએ કહ્યું કે થોડા વર્ષો બાદ પત્નીએ બીજા લગ્ન કરી લીધાં અને પતિએ માનસિક ત્રાસનાં આધાર પર છૂટાછેડાની માંગ કરી પરંતુ તે કોર્ટમાં પણ હાજર રહી નહીં. હાઈકોર્ટમાં અરજી કરી હતી જેમાં કોર્ટે કહ્યું કે એવા કોઈ પૂરાવા નથી જેના પરથી કહી શકાય કે પત્નીએ બીજા લગ્ન કર્યાં છે.

જો કે અલ્હાબાદ હાઈકોર્ટે છૂટાછેડાની પરવાનગી આપી છે અને કહ્યું કે જીવનસાથી રહેલા પતિ કે પત્નીને જીવન ફરીથી શરૂ કરવા માટે મજબૂર ન કરી શકાય.