કામની વાત / 'સેલ.. સેલ..સેલ' આવી ઑફર્સના ચક્કરમાં ભૂલથી પણ ન કરતાં આ ભૂલ, નહીં તો ખાલી થઈ જશે બેંક એકાઉન્ટ

• માર્કેટમાં જવાને બદલે લોકો ઓનલાઈન વસ્તુઓ ખરીદે છે
• ઓનલાઈન શોપિંગ સમયે આ ભૂલો ટાળો 
• સેલ, આકર્ષક ડીલ્સ અને ઓફર્સના ચક્કરમાં છેતરપિંડીના શિકાર ન બનો 

હવે જો એમ કહેવામાં આવે કે લોકોની ખરીદી કરવાની રીત બદલાઈ ગઈ છે તો કદાચ તેમાં કંઈ ખોટું નહીં હોય કારણ કે આજના જમાનામાં લોકો માર્કેટમાં જવાને બદલે ઓનલાઈન વસ્તુઓ ખરીદવાનું પસંદ કરે છે અને તેની પાછળ કેટલાક કારણો છે, જેમાંથી પહેલું છે સેલ, આકર્ષક ડીલ્સ અને ઓફર્સ. 

આ લોભામણી ઓફરો પાછળ લોકો આકર્ષાય છે અને આ વચ્ચે તેઓ એક વાત ભૂલી જાય છે કે છેતરપિંડી કરનારાઓ આ આકર્ષક ઑફર્સ દ્વારા છેતરપિંડી કરીને મિનિટોમાં પૈસા પણ ઉડાવી શકે છે. એટલે માટે જ્યારે પણ ઓનલાઈન શોપિંગ કરો ત્યારે આવી કેટલીક ભૂલો કરવાથી બચવું ખૂબ જરૂરી છે. 

થર્ડ પાર્ટી લિંક્સ ટાળો
 ક્યારેય મેસેજ, વોટ્સએપ કે અન્ય માધ્યમો દ્વારા કોઈ આકર્ષક ઓફરની લિંક આપવામાં આવે તો તેને ચેક કર્યા વિના ક્લિક કરશો નહીં. કારણ કે છેતરપિંડી કરનારાઓ આવી નકલી લિંક્સ મોકલીને તમારા મોબાઈલને હેક કરી શકે છે અને એકાઉન્ટ ખાલી કરી શકે છે.

ઓનલાઈન પેમેન્ટ કરતી વખતે સાવચેત રહો
આવી ઘણી એપ્સ છે જે સામાન્ય રીતે બીજી એપ્સ અથવા વેબસાઇટ્સથી ખૂબ સારું ડિસ્કાઉન્ટ આપે છે અને આવી ઓફરથી લોભાઈને લોકો ઓર્ડર કરે છે અને એ સાથે જ ઓનલાઇન ચૂકવણી કરી દે છે. એવામાં ખાસ ધ્યાન રાખો કે નવી એપ્લિકેશન કે વેબસાઇટ્સ પરથી ઓર્ડર કરતાં સમયે ફક્ત કેશ ઓન ડિલિવરી પેમેન્ટનો વિકલ્પ રાખો જેથી છેતરપિંડીથી બચી શકાય. 

પાસવર્ડનો ઉપયોગ ટાળો 
જ્યારે કોઈપણ વેબસાઈટ અથવા એપ પરથી ખરીદી કરો છો, ત્યારે પેમેન્ટ કરતી વખતે તમારો પાસવર્ડ નાખવાની ભૂલ ન કરવી જોઈએ. હંમેશા ધ્યાનમાં રાખો કે પાસવર્ડને બદલે OTP નો જ ઉપયોગ કરવો કોઈએ નહિંતર છેતરપિંડી કરનારાઓ તમારો પાસવર્ડ હેક કરીને તમારી સાથે છેતરપિંડી કરી શકે છે. 

નકલી એપ્સના ઉપયોગથી બચો 
જ્યારથી ઓનલાઈન શોપિંગનો ક્રેઝ વધ્યો છે ત્યારથી અનેક પ્રકારની એપ્સ અને વેબસાઈટ્સ સામે આવી છે. આમાંના કોઈ વિશ્વસનીય છે તો ઘણી નકલી છે. એટલે ખાસ ધ્યાન રાખવું કે નકલી એપ્સથી દૂર રહો અને હંમેશા ભરોસાપાત્ર એપ અથવા વેબસાઇટ પરથી ખરીદી કરો.