તમારા કામનું / ઘરમાં આગ લાગતા પહેલા વાગી જાય છે એલાર્મ, જાણો કેવી રીતે કામ કરે છે આ ગેજેટ્સ

ઉનાળાની ઋતુ દરમિયાન આગની ઘટનાઓમાં વધારો થાય છે. દેશમાં જૂન 2026 માં જ બે મોટી આગની દુર્ઘટનાઓ બની. એના માટે તમારા ઘરમાં સ્માર્ટ ફાયર ડિટેક્શન સિસ્ટમ હોવી ખૂબ જ જરૂરી છે. આ સિસ્ટમ તમને આગ ફાટી નીકળે તે પહેલાં એલર્ટ આપવામાં મદદ કરે છે, જેથી તમે સુરક્ષિત રહી શકો. આ એડવાન્સ ફાયર ડિટેક્શન ડિવાઈઝ તમને અગાઉથી કાર્યવાહી કરવા માટે સમય આપે છે.

• સ્માર્ટ સ્મોક ડિટેક્ટર

સામાન્ય સ્મોક ડિટેક્ટર ધુમાડો ડિટેકટ થતાની સાથે જ એલાર્મ વગાડે છે. સ્માર્ટ સ્મોક ડિટેક્ટર તમારા ઘરના Wi-Fi સાથે કનેક્ટ થાય છે અને તમારા ફોન પર કટોકટીની એલર્ટ મોકલે છે. આ સ્મોક ડિટેક્ટર તમે ઘરે ન હોવ ત્યારે પણ તમારા ફોન પર એલાર્મ મોકલે છે જેનાથી તમે સતર્ક રહી શકો છો. તેની કિંમત 1495 રૂપિયા છે.

• ઇલેક્ટ્રિકલ મોનિટર

ઘરમાં આગ લાગવાનું સૌથી સામાન્ય કારણ વોલ્ટેજ સ્પાઇક્સ છે. તમે તમારા ઘરના પાવર સપ્લાયનું ચેકીંગ કરવા માટે સ્માર્ટ ઇલેક્ટ્રિકલ મોનિટરનો ઉપયોગ કરી શકો છો. તે પાવર સપ્લાયને ચેક કરે છે અને તમને Wi-Fi દ્વારા એલર્ટ મોકલે છે, જો કોઈ વાયરિંગ સમસ્યા હોય તો તમને જણાવે છે. તેની કિંમત 2599 રૂપિયા છે.

વધુ વાંચો : અચાનક આગ લાગે ત્યારે બચવા શું કરવું? જાણો જીવ બચાવવાના મહત્વના ઉપાય

• ફ્લેમ ડિટેક્ટર કેમેરા

હોમ સિક્યુરિટી કેમેરા હવે AI નો ઉપયોગ કરીને આગ પણ શોધી શકે છે, જે તમને શરૂઆતના એલર્ટ આપે છે. હાઈ ટેકનોલોજીની મદદથી તે આગની પરિસ્થિતિઓને ઝડપથી શોધી શકે છે, જેનાથી સમયસર કાર્યવાહી થઈ શકે છે. તેની કિંમત 3499 રૂપિયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ