તમારા કામનું / કપડાં પર ઢોળાઈ છે ચા-કોફી, આ ઉપાયથી મિનિટોમાં ગાયબ થશે જિદ્દી ડાઘ

અમુક વાર ચા કે કોફી પીતી વખતે તમારા કપડાં પર તે ઢળી જાય છે. જેના હઠીલા ડાઘ કપડાં પરથી સરળતાથી દૂર થતા નથી અને જો તરત જ સાફ ન કરવામાં આવે તો તે કાયમી નિશાન છોડી શકે છે. ચા કે કોફી ઢળ્યા બાદ લોકો ઘણીવાર ગભરાઈ જાય છે અને તેમના કપડાંને જોરશોરથી ઘસે છે જેનાથી ડાઘ વધુ ફેલાય છે. પણ અમુક સરળ ઘરેલું ઉપાયો દ્વારા તમે મિનિટોમાં આ ડાઘ દૂર કરી શકો છો.

• પહેલા શું કરવું?

ચા કે કોફી કપડાં પર ઢળે તો તરત જ સમય બગાડ્યા વગર તાત્કાલિક પગલાં લો. તેને ઘસવાને બદલે વધારાનું પ્રવાહી શોષી લેવા માટે સ્વચ્છ ટીશ્યુ કે કપડાથી ડાઘને હળવા હાથે થપથપાવો. બાદમાં કપડાને ઊંધું કરો અને પાછળથી ડાઘવાળા વિસ્તાર પર ઠંડુ પાણી રેડો. આ ડાઘને ફેબ્રિકના રેસામાં અંદર સુધી જતા અટકાવે છે અને તેને સરળતાથી દૂર કરવા દે છે.

• ઠંડા પાણીનો ઉપયોગ

જો તમારી કોફીમાં દૂધ કે ક્રીમ હોય તો તેને સાફ કરવા માટે ક્યારેય ગરમ પાણીનો ઉપયોગ કરશો નહીં. ગરમ પાણીના સંપર્કમાં આવતા દૂધમાં રહેલું પ્રોટીન ફેબ્રિકના રેસાઓ સાથે જોડાય છે, જેનાથી ડાઘ કાયમ માટે રહી જાય છે.આથી હંમેશા ઠંડા કે સામાન્ય પાણીથી કપડા સાફ કરવાનું શરૂ કરો.

વધુ વાંચો : કિચન સિંક થઇ ગઈ છે ગંદી? ઘસો નહીં પણ નાખો આ વસ્તુ, કાચની માફક ચમકશે

• બેકિંગ સોડા

બેકિંગ સોડા કપડાંમાંથી જૂના, સૂકા ડાઘ દૂર કરવા માટે બેસ્ટ ફોર્મ્યુલા છે. એના માટે ડાઘવાળા વિસ્તારને થોડો ભીનો કરો અને તેના પર એક ચમચી બેકિંગ સોડા પાવડર લગાવો. તેને લગભગ અડધા કલાક માટે રહેવા દો જેથી સોડા ડાઘને સંપૂર્ણ રીતે શોષી લે. બાદમાં સામાન્ય પાણીથી ખંગાળો અને કપડાને વોશિંગ મશીનમાં ધોઈ લો. ડાઘ સંપૂર્ણ રીતે દૂર ન થાય ત્યાં સુધી કપડાને ડ્રાયરમાં સૂકવશો નહીં કેમ કે ડ્રાયરની ગરમી ડાઘને કાયમ માટે ફિક્સ કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ