લોન્ચ / એરટેલે લોન્ચ કર્યો જબરદસ્ત પ્રીપેડ પ્લાન, વધુ ડેટા, કોલિંગ અને વેલિડિટી સાથે આ ફ્રી બેનિફિટ્સ પણ મળશે

• એરટેલ તેના ગ્રાહકો માટે લાવ્યું નવો પ્લાન
• આ પ્રીપેડ પ્લાનમાં છે ઘણી સુવિધાઓ
• ગ્રાહકોને મળશે ઓછી કિંમતમાં વધુ ફાયદા

289 રૂપિયાના પ્લાનમાં શું છે ખાસ

નવા 289 રૂપિયાના એરટેલ પ્રીપેડ પ્લાનમાં કંપની કોઈપણ નેટવર્ક પર અનલિમિટેડ કોલિંગ આપી રહી છે. સાથે જ પ્લાનની વેલિડિટી 28 દિવસની છે. આમાં રોજ 1.5 જીબી ડેટા મળી રહ્યું છે. એટલે કે કુલ 42 જીબી ડેટા મળે છે. ગ્રાહકોને રોજ 100 એસએમએસ મળે છે. આ સાથે જ ઝી5 પ્રીમિયમ, એરટેલ એક્સ્ટ્રીમ પ્રીમિયમ, ફ્રી હેલોટ્યૂન, વિંક મ્યુઝિક સબસ્ક્રિપ્શન પણ ફ્રી મળે છે. શો એકેડમીની ફ્રી ઓનલાઈન ક્લાસિસ એક વર્ષ પણ મળે છે. સાથે જ ફાસ્ટેગ લેવા પર 150 રૂપિયાનું કેશબેક પણ ઓફર કરવામાં આવી રહ્યું છે.   

હવે ધ્યાન આપવાની વાત એ છે કે એરટેલના આ નવા પ્લાનની સુવિધાઓ અને ફાયદા 249 રૂપિયાના પ્લાન જેવી જ છે. એરટેલ પાસે 249 રૂપિયાથી લઈને 400 રૂપિયાની કેટગરીના ઘણાં પ્લાન છે અને હવે 289 રૂપિયાનો પ્લાન પણ આ લિસ્ટમાં સામેલ થઈ ગયો છે. 

આ સિવાય એરટેલ હવે 79 રૂપિયાના પ્રીપીડે પ્લાનમાં પણ ઝી5 કોન્ટેન્ટ ફ્રી ઓફર કરી રહી છે. આ સબસ્ક્રિપ્શન 30 દિવસ માટે હશે. તમને જણાવી દઈએ કે, એરટેલ થેન્ક્સ એપના ડિજિટલ સ્ટોર સેક્શન દ્વારા આ ટોપ-અપ બધાં એરટેલ ગ્રાહકો માટે ઉપલબ્ધ છે. એરટેલના આ બંને પ્લાનને એરટેલ રિટેલ સ્ટોર દ્વારા પણ રિચાર્જ કરાવી શકાય છે.