Auto / AIએ ડિઝાઇન કરી કાર, દેખાવ છે ફાઇટર જેટ જેવો- અનોખી છે ગાડીની ખાસિયતો

ઓટોમોબાઈલ ઉદ્યોગ દરરોજ નવા ફેરફારોનો અનુભવ કરી રહ્યો છે. કંપનીઓ માર્કેટમાં નવીનતમ ટેકનોલોજી અને સુવિધાઓથી સજ્જ નવા વાહનો લોન્ચ કરી રહી છે. ડિઝાઇનર એલેક્સ કાસાબોએ એક કોન્સેપ્ટ કાર રજૂ કરી છે જે ફાઇટર જેટ જેવી દેખાય છે. AC Buggy તરીકે ઓળખાતી આ કાર 1970ના દાયકાની આઇકોનિક સુપરકાર્સના શાર્પ બનાવટ અને રેત પર ચાલવારી ડ્યૂન બગીની મજબૂતાઈને જોડે છે. આ કાર ક્લાસિક મૂવી અને ભવિષ્યની ટેકનોલોજીનું અનોખું મિશ્રણ લાગે છે. આવો આ અનોખી કારની વિશેષતાઓ પર નજીકથી નજર કરીએ.

દેખાવમાં છે ફાઇટર જેટ

• આ કાર દેખાવમાં ફાઇટર જેટ જેવી લાગે છે, જેની ડિઝાઇન તીક્ષ્ણ છે.
• વિન્ટેજ લુક - આ કાર 1970 ના દાયકાની તીક્ષ્ણ ખૂણાવાળી કારની યાદ અપાવે છે.
• મજબૂત વ્હીલ્સ - તેમાં બ્રોન્ઝ-ફિનિશ્ડ વ્હીલ્સ છે, જે તેને પ્રીમિયમ અને આક્રમક દેખાવ આપે છે.
• એન્જિન ઠંડુ રાખવા માટે વેન્ટ્સ - તેની પાછળની લાઇટ્સ ત્રિકોણાકાર છે અને તેની હવા માટે વેંટ્સ આપેલા છે. જેથી એન્જીન ઠંડુ રહે.

View this post on Instagram

A post shared by Alex Casabo Design (@casaboalex)

અંદર છે તેની અસલી ખૂબસુરત

મોટાભાગની કારના આંતરિક ભાગો બોડીની અંદર છુપાયેલા હોય છે. જોકે, AC Buggyમાં તે હોતું નથી. તેના આંતરિક ભાગો બહારથી દેખાય છે. તમે બહારથી તેનું સસ્પેન્શન, એલ્યુમિનિયમ કંટ્રોલ આર્મ્સ અને શોક એબ્સોર્બર્સ જોઈ શકો છો, જે તેને રોબોટિક અને શક્તિશાળી દેખાવ આપે છે. તેનું એન્જિનિયરિંગ તેની બાહ્ય સુંદરતાનો એક ભાગ છે.

કાર્બન ફાઇબર અને હાઇ-ટેક કંટ્રોલ

અંદરથી આ કાર એક હાઇ-ટેક રેસિંગ કાર જેવી લાગે છે. ગાડી આંતરિક ભાગ જેટલો જ મિનિમલિસ્ટિક છે તેટલો જ આધુનિક પણ છે. કાર કેબિન કાર્બન ફાઇબરથી બનેલું છે, જે તેને હલકું અને મજબૂત બનાવે છે. તેમાં રેસિંગ-વિશિષ્ટ સીટો અને બેલ્ટ છે જે હાઇ સ્પીડ પર પણ ડ્રાઇવરને સુરક્ષિત રાખે છે. ડેશબોર્ડમાં મોટી ટચસ્ક્રીન અને ડિજિટલ મીટર, રેટ્રો ટૉગલ સ્વિચ છે જે ડ્રાઇવિંગને આનંદદાયક બનાવે છે.

AIથી થઇ તૈયાર

• સૌથી રસપ્રદ વાત એ છે કે, ડિઝાઇનરે આ કાર બનાવવામાં AI ટૂલ્સ (જેમ કે Midjourney અને Vizcom) નો ઉપયોગ કર્યો છે.
• આ પ્રોજેક્ટ બતાવે છે કે, ભવિષ્યમાં AI ની મદદથી કાર ડિઝાઇનિંગ ખૂબ જ વિગતવાર અને સટીક રીતે કેવી રીતે કરી શકાય છે.