સાયબર ક્રાઈમ / અમદાવાદ: લોભ-લાલચના ધન ધુતારા ખાય..! ઊંચા વ્યાજની લાલચે મહિલાએ 8 લાખ ખોયા, 3 ઠગારાઓ ઝબ્બે

• અમદાવાદની મહિલા પાસેથી 8 લાખ ઉસેડયા
• 200 દિવસ સુધી રોજ નું 1 થી 2 ટકા ઉચ્ચ વળતરની સ્કીમ
• ત્રણ આરોપીઓ, 7 મોબાઈલ અને લેપટોપ સાથે ઝડપી લેવાયા 

અમદાવાદમાં સાયબર ક્રાઈમના બનાવો વધતા ચાલ્યા છે. પર પ્રાંતીય  ટોળી અમદાવાદના કેટલાક વિસ્તારોમાં સક્રિય થઈને ગુનાઓ આચરતી હોવાની માહિતી સાયબર સેલને મળી હતી. ઊંચા ટકાના વ્યાજના સપનાઓ દેખાડી, મસમોટી રકમ પડાવવામાં પાવરધી એવી પશ્ચિમ બંગાળની શાતિર ટોળીને ઝડપી પાડી છે 

અમદાવાદ સાઇબર ક્રાઇમબ્રાંચે કંપનીમાં રોકાણ સામે 200 દિવસ સુધી રોજ નું 1 થી 2 ટકા ઉચ્ચ વળતર મળશે. તેવી લોભામણી લાલચ આપી છેતરપીડી કરતાં 3 આરોપીની ધરપકડ કરી છે. અમદાવાદ સાઇબર ક્રાઇમને ફરિયાદ મળી હતી કે લોભામણી લાલચ આપી લોકોને છેતરવામાં આવી રહ્યા છે. તેને લઈને અમદાવાદ સાઇબર ક્રાઇમ દ્વારા કોલ ડિટેલ સહિત તપાસ કરવામાં આવી હતી. જેમાં બંગાળ ખાતે સાઇબર ક્રાઇમની ટિમે 3 આરોપીને ઝડપી પાડવામાં આવ્યા હતા. જેમાં સાઇબર ક્રાઇમે 5 મોબાઈલ અને લેપટોપ કબ્જે કર્યા છે. પોલીસે કલકત્તાથી એમ. ડી. મોકમેલહોસેન, તિલક પાંડે અને શીબ શંકર રાણા નામના આરોપીઓને ઝડપી પાડ્યા છે. આ સાથે 7 મોબાઈલ અને લેપટોપ જપ્ત કર્યા છે. આરોપીઓએ સેટેલાઇટની મહિલાને વિશ્વાસમાં લઈ આ ગેંગે આઠ લાખ રૂપિયા જેટલી રકમ પડવાયા બાદ ફોન બંધ કરી દીધા હતા. આરોપીઓએ આ સિવાય અન્ય કેટલા લોકો પાસેથી રૂપિયા પડવાયા છે. તે અંગે તપાસ શરૂ કરી છે.