ગુજરાત / અમદાવાદમાં પોલીસ ઇન્સ્પેક્ટરે 19 વર્ષની યુવતી સાથે લિફ્ટમાં ગંદા અડપલાં કર્યાં, શું બન્યું? પીડિતાએ કહ્યું

'ખાખી પર ડાઘ' કહેવત એમ અમસ્તી નહીં પડી હોય! અમદાવાદમાં એક પોલીસ ઈન્સપેક્ટરનો શરમજનક કાંડ સામે આવ્યો છે. વેજલપુર પોલીસ સ્ટેશનમાં પીઆઈ સામે છેડતીની ફરિયાદ દાખલ થઈ છે. PIએ લિફ્ટમાં 19 વર્ષની યુવતી સાથે ગંદા અડપલાં કર્યાં હતા. યુવતીની ફરિયાદના આધારે વેજલપુર પોલીસે ગુનો નોંધી તપાસ શરૂ કરી છે. આ પોલીસ ઈન્સપેક્ટર હાલમાં ગાંધીનગર કંટ્રોલરૂમમાં કાર્યરત છે.

લિફ્ટમાં બેડ ટચ

યુવતીએ ફરિયાદમાં જણાવ્યું છે કે PIએ લિફ્ટમાં તેની સાથે અડપલાં કર્યાં હતાં અને તેના ખભા પર હાથ મૂક્યો હતો અને બેડ ટચ કર્યો હતો, પીઆઈની નિયત ગંદી હતી, તે મારી સામે ગંદી નજરથી પણ જોતો હતો.

યુવતીએ શું કર્યું

પીઆઈના અડપલાં થતાં યુવતી ડરી ગઈ હતી અને તેણે તરત અભયમ હેલ્પલાઇનને ફોન કર્યો હતો. ટીમે કાઉન્સેલિંગ કર્યા બાદ યુવતીએ આ મામલે વેજલપુર પોલીસ સ્ટેશનમાં ફરિયાદ નોંધાવી છે.

વધુ વાંચો : પૈસા કરતાં પણ 'વધુ મળશે', જો તમે 5 વર્ષથી મોબાઈલ નંબર ન બદલ્યો હોય તો મળશે આ 5 લાભો!

લિફ્ટમાં શું બન્યું

વિશાલા વિસ્તારમાં એપાર્ટમેન્ટની લિફટમાં પીઆઈ અને યુવતી ઉપર જઈ રહ્યાં હતા ત્યારે પીઆઈએ યુવતીના ખભા પર હાથ મૂકીને અડપલાં કર્યાં હતાં. લિફ્ટ છઠ્ઠા માળે પહોંચી એ સમયે બીજી વ્યક્તિઓ લિફ્ટમાં આવતાં પીઆઈ લિફ્ટમાંથી બહાર નીકળી ગયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ