અમદાવાદ સિરિયલ બ્લાસ્ટ કેસના ચુકાદાને આગામી દિવસમાં ગુજરાત હાઇકોર્ટમાં પડકારવામાં આવશે. બચાવ પક્ષના વકીલે જેની તૈયારીઓ બતાવી છે.
Share
સિરિયલ બ્લાસ્ટના ચૂકાદો હાઈકોર્ટમાં પડકારાશે
બચાવપક્ષ દ્વારા વિશેષ કોર્ટના ચૂકાદાને પડકારાશે
ચૂકાદાનો અભ્યાસ કરી પડકારવાની તૈયારીઓ
2008ની સાલમાં થયેલા અમદાવાદના સિરિયલ બ્લાસ્ટ કેસને લઈ મહત્વના સમાચાર સામે આવ્યા છે. સ્પેશિયલ કોર્ટે આ કેસમાં ઐતિહાસિક ચૂકાદો આપી 49 દોષીતોઓમાંથી 38ને ફાંસી અને 11 દોષીતોને આજીવન કેદની સજા સંભળાવી હતી. ત્યારે હવે સ્પેશિયલ કોર્ટના ચુકાદાને ગુજરાત હાઈકોર્ટમાં પડકારવામાં આવશે તેવી બચાવ પક્ષે તૈયારીઓ કરી છે.
બચાવપક્ષના વકીલે આ ચૂકાદાને હાઈકોર્ટમાં પડકારવાનુ જણાવ્યું છે. બચાવપક્ષના વકીલ ડી.ડી.પઠાણે જણાવ્યું કે હજુ તો કાયદાકીય લડત બાકી છે. તેમને જણાવ્યું કે, કોર્ટનો આદેશ ખુબ લાંબો છે જેથી તેનો અભ્યાસ કરી આગામી દિવસોમાં હાઈકોર્ટમાં ચૂકાદાને પડકારવામાં આવશે.
જમીયત ઉલમા એ હિંદ કોર્ટના ચુકાદાને પડકારશે
આ અગાઉ પણ જમીયત ઉલમા એ હિંદના અધ્યક્ષ મૌલાના અરશદ મદનીએ સ્પેશિયલ કોર્ટના ચુકાદાને હાઇકોર્ટમાં પડકારવા જણાવ્યું હતું. તેઓ સ્પેશિયલ કોર્ટના ચુકાદા સામે હાઇકોર્ટમાં અપીલ કરશે. મૌલાના અરશદ મદનીએ કહ્યું હતું કે, કાયદાકીય લડત લડીશું. અક્ષરધામ હુમલા કેસમાં પણ ફાંસીની સજા રદ થઇ હતી.
મહત્વનું છે કે વર્ષ 2008માં અમદાવાદના સ્થળ અને એક વિસ્કી બોંમ બ્લાસ્ટ અલગ-અલગ સ્થળ પર કરવામાં આવ્યા હતા. જેમાં 54 લોકોના ઘટના સ્થળ પર મોત 200થી વધુ લોકોને ગંભીર ઇજાઓ પહોંચી હતી. સ્પેશિયલ કોર્ટ આતંકી એક્ટ હેઠળ આરોપીઓને ફાંસીની સજા ફટકારી હતી.
