દુખદ ઘટના / કૂનો નેશનલ પાર્કમાં સાશા બાદ હવે 'ઉદય' અસ્ત થયો, બીજા ચિત્તાનું મોત થતાં સરકાર ચિંતામાં "

• દક્ષિણ આફ્રિકાથી આવેલા ઉદય નામના ચિત્તાનું મૃત્યુ
• મધ્યપ્રદેશના કુનો નેશનલ પાર્કમાં થયું મોત
• બીમારીને પગલે મોત નિપજ્યાનું તારણ

મધ્યપ્રદેશના કુનો નેશનલ પાર્કમાં દક્ષિણ આફ્રિકાથી આવેલા ઉદય નામના ચિત્તાનું મૃત્યુ નિપજતા શોક ફેલાયો છે. મહત્વનું છે કે તાજેતરમાં નામીબિયા અને દક્ષિણ આફ્રિકાથી 20 ચિત્તા ભારતમાં લાવવામાં આવ્યા હતા. જેમાં ઉદયનો અસ્ત થયો છે. જેની પાછળ બીમારી જવાબદાર હોવાનું ગણવાઇ રહ્યું છે. અત્રે નોંધનીય છે કે અત્યાર સુધીમાં બે ચિત્તા મૃત્યુ પામ્યા છે. ડોક્ટરની મહેનત પણ કામ ન લાગતા ચિંતામા વધારો થયો છે.

Another cheetah 'Uday' died in Kuno National Park due to unknown reason.

Seems like govt did not consulted experts before bringing them in foreign land.#KunoNationalPark pic.twitter.com/6DhLpFNTj1

— CA Ashutosh Soni (@CA_AshutoshSoni) April 23, 2023

ચિત્તાના મોત મામલે કુનો નેશનલ પાર્કના સતાવાળાઓ દ્વારા સતાવાર નિવેદન આપવામા આવ્યું છે. જેમાં જણાવ્યા અનુસાર ઉદય નામનો ચિત્ સવારથી જ સુસ્ત અવસ્થામા બેઠો હતો. જે નીચે માથું રાખીને બેઠો હતો નમેલી ગરદન સાથે ધ્રુજારી અનુભવતો હતો. જ્યારે પ્રોટોકોલ મુજબ, તે એક દિવસ પહેલા દરરોજ સવાર-સાંજ મોનિટરિંગ દરમિયાન સંપૂર્ણપણે સ્વસ્થ હતો. પરંતુ આજે તેની તબિયત સારી ન હતી. જે મામલે જાણ થતાની સાથે જ ચિત્તા પર દેખરેખ વધારી દીધી હતી. તથા તબીબો તેમની ટીમ સાથે તાત્કાલિક ઘટના સ્થળે પહોંચી ગયા હતા. જ્યારે ડોક્ટરોએ તેની તપાસ કરી તો તે બીમાર જણાયો. 

સાંજે 4 વાગ્યે મોત નીપજ્યું
જેને લઈને મુખ્ય વન સંરક્ષકે ઉચ્ચકક્ષાએ ઉદયની પરિસ્થિતિ મામલે જાણ કરી હતી. આથી આદેશ છૂટયા બાદ ચિત્તા ઉદયને સવારે 11 વાગ્યે બેભાન કરી અને તાબડતોબ સ્થળ પર જ તેની સારવાર આરંભી દેવામાં આવી હતી. ચિત્તાની તબિયતને જોતા તેને સારવાર અને દેખરેખ માટે આઈસોલેશન વોર્ડમાં રાખવામાં આવ્યો હતો. આમ લાખ કોશિશ બાદ પણ ચિત્તા ઉદયનું સાંજે 4 વાગ્યે મૃત્યુ નીપજ્યું હતું. જોકે હાલ મોતના સ્પષ્ટ કારણ મામલે પોસ્ટમોર્ટમ બાદ જાણ થઈ શકે છે.