પુરાતત્વ વિભાગ / અમદાવાદમાં આ જગ્યાએ મળી અંદાજીત એક હજાર વર્ષ પૌરાણિક વાવ, સોલંકી કાળ સાથે ઈતિહાસનો અંદેશો, જુઓ VIDEO

• અમદાવાદ શહેરનો વર્લ્ડ હેરિટેજ સિટીમાં યુનેસ્કોએ સ્થાન આપ્યું છે
• દસક્રોઈના કાણીયલ ગામ ખાતે પૌરાણીક વાવ મળી આવી
• અઠવાડિયા પહેલા મંદિર બનાવવા માટે ખોદકામ શરૂ કર્યું હતું

અમદાવાદ શહેરને વર્લ્ડ હેરિટેજ સિટી તરીકે યુનેસ્કો દ્વારા સ્થાન આપવામાં આવ્યુ છે. જેમાં શહેર તથા શહેરની આસપાસ અનેક પૌરાણીક વાવનો પણ સમાવેશ થાય છે. ત્યારે દસ્ક્રોઇ વિધાનસભામાં આવતા કાણીયલ ગામ ખાતે પણ વધુ એક પૌરાણીક વાવ ખોદકામ દરમિયાન મળી આવેલ છે.

ખોદકામ આગળ વધારતા પૌરાણીક વાવ મળી આવી
અમદાવાદ શહેરથી આશરે 30 કિલોમીટર દૂર આવેલા કાણીયલ ગામ ખાતે એક અઠવાડિયા પહેલા ખોડિયાર મંદિર માટે પાયા ખોદવાની શરૂઆત કરવામાં આવી હતી. પાયા ખોદતાં સમયે પગથીયા મળ્યા. ત્યારે ગામના લોકોને ઊંડાણમાં શું હશે તેં જાણવાની ઉત્સુકતા જાગી અને ખોદકામ આગળ વધાર્યુ. ત્યારે એક પૌરાણીક વાવ મળી આવી.

 

ગામનો ઈતિહાસ સોલંકી કાળ સાથે સંકળાયેલો છે
કાણીયલ ગામના લોકો પહેલાથી જ કહેતા હતા કે આ ગામનો ઇતિહાસ સોલંકી કાળ દરમિયાન સાથે સંકળાયેલો છે. તેવી વાતો ગામના લોકો કરતા હતા. પરંતુ ક્યારેય ખોદકામ કરવામાં આવ્યુ ના હતું. પહેલાના સમયમાં આ વાવ ની આસપાસમાં એક શહેર પણ હતું અને અહિયા આસપાસના માત્ર 2 ગામો એવા હતા જ્યાં નદી ના હતી.  માત્ર વાવ હતી એવો પણ ઇતિહાસ અહિયા સાંભળવા મળ્યો હતો.

ખોદકામ દરમ્યાન વાવ મળતા લોકોમાં ભારે આશ્ચર્ય
કાણીયલ ગામે ખોદકામ કરતાં સમયે વાવ મળતા લોકોમાં ભારે આશ્ચર્ય થયુ હતું. ત્યારે આસપાસના લોકો પણ આ વાવ જોવા માટે પહોચ્યા હતા. જેમાં ગાંધીનગર ખાતે થી અતુલ્ય વારસો ફાઉન્ડેશનના ચેરમેન પણ આ વાવની મુલાકાત લીધી હતી.  આ વાવ નું બાંધકામ અને તેની ડિઝાઇન જોઇને સોલંકી કાળ નો ઇતિહાસ સાથે સંકળાયેલો હોય શકે છે. આ સાથે આ વાવ નું વર્ષો પહેલા રીનોવેશન પણ કરાવ્યુ હોય શકે છે. તેવું પણ તેમા મળી આવેલી ઈટો પરથી અતુલ્ય વારસોના ચેરમેન દ્વારા કહેવામાં આવ્યુ હતું. 

પૌરાણીક મૂર્તિઓ પણ મળી આવી
કાણીયલ ગામ ખાતે ખોડિયાર મંદિરના નિર્માણ સમયે ખોદકામ દરમિયાન વાવ મળી આવી અને સાથે સાથે પૌરાણીક મૂર્તિઓ પણ મળી આવી હતી... જેની જાણ થતા ગામના સરપંચ દ્વારા મામલતદાર અને પુરાતત્વ વિભાગને જાણ કરવામાં આવી હતી.