મનોરંજન / આજે આમિર ખાનના લગ્ન, ગૌરી સ્પ્રેન્ટ સાથે બંધાશે લગ્નના બંધનમાં, જાણો વેન્યુથી લઇને ગેસ્ટ

આમિર ખાન અને ગૌરી સ્પ્રેટ બંને લાંબા સમયથી એકબીજાને ઓળખે છે અને છેલ્લા કેટલાક વર્ષોથી તેમના સંબંધોની ચર્ચા ચાલી રહી હતી. આમિર ખાને પોતાના 60મા જન્મદિવસે ગૌરીને જાહેરમાં પરિચય કરાવી તેમના સંબંધની પુષ્ટિ કરી હતી. હવે બંનેના લગ્નના સમાચાર સોશિયલ મીડિયા પર ચર્ચાનો વિષય બન્યા છે.

મુંબઈના બાંદ્રા સ્થિત ઘરે યોજાશે સાદગીભર્યા લગ્ન

મીડિયા અહેવાલો અનુસાર આમિર ખાન અને ગૌરી સ્પ્રેટના લગ્ન મુંબઈના બાંદ્રા વિસ્તારમાં આવેલા તેમના નિવાસસ્થાને યોજાનાર છે. સમારોહને ખૂબ જ ખાનગી રાખવામાં આવ્યો છે અને તેમાં માત્ર પરિવારજનો તથા નજીકના મિત્રો જ હાજર રહે તેવી શક્યતા છે. માહિતી મુજબ આશરે 150 મહેમાનો આ પ્રસંગે હાજરી આપી શકે છે. આમિર ખાને પણ અગાઉ જણાવ્યું હતું કે લગ્ન સમારોહ ખૂબ જ સાદગીપૂર્વક અને ઘરઆંગણે યોજાશે.

25 વર્ષ જૂની ઓળખ, પછી શરૂ થયો પ્રેમસંબંધ

આમિર ખાન અને ગૌરી સ્પ્રેટ એકબીજાને લગભગ 25 વર્ષથી ઓળખે છે. જોકે બંનેએ લગભગ બે વર્ષ પહેલાં એકબીજાને ડેટ કરવાનું શરૂ કર્યું હતું. આમિરે મીડિયા સાથેની વાતચીતમાં ગૌરી વિશે કહ્યું હતું કે તેઓ તેમના જીવનમાં સ્થિરતા અને ખુશી લઈને આવી છે. અભિનેતાના જણાવ્યા પ્રમાણે ગૌરી સાથે તેમને શાંતિ અને સકારાત્મકતા અનુભવાય છે.

આમિર ખાનના અગાઉ થઈ ચૂક્યા છે બે લગ્ન

આમિર ખાનના વ્યક્તિગત જીવનની વાત કરીએ તો તેઓ અગાઉ બે વખત લગ્ન કરી ચૂક્યા છે. તેમની પ્રથમ પત્ની રીના દત્તા હતી, જેમની સાથે તેમના બે સંતાનો જૂનૈદ ખાન અને ઇરા ખાન છે. વર્ષ 2002માં બંને અલગ થયા હતા.ત્યારબાદ આમિરે ફિલ્મ નિર્માતા કિરણ રાવ સાથે લગ્ન કર્યા હતા. આ દંપતીનો એક પુત્ર આઝાદ રાવ ખાન છે. વર્ષ 2021માં આમિર અને કિરણ રાવે પરસ્પર સંમતિથી અલગ થવાની જાહેરાત કરી હતી.

આ પણ વાંચોઃ ''હું લગ્ન પહેલા બાયો સેક્સ્યુઅલ હતી'', જાણીતા ટીવી એક્ટરની પત્નીએ ધડાકો કરતા ઈન્ડસ્ટ્રીમાં હડકંપ

સેલિબ્રિટીઓ અને ચાહકો તરફથી શુભેચ્છાઓ

આમિર અને ગૌરીના લગ્નના સમાચાર સામે આવ્યા બાદ ચાહકો તેમજ અનેક જાણીતી હસ્તીઓ તરફથી શુભેચ્છાઓનો વરસાદ થઈ રહ્યો છે. અભિનેત્રી સોમી અલીએ પણ બંનેને શુભકામનાઓ પાઠવતાં કહ્યું કે સાચો જીવનસાથી કોઈપણ ઉંમરે મળે તો તે ખુશીની વાત છે. તેમણે પ્રેમ, સાથ અને નવી શરૂઆતને જીવનનો સૌથી સુંદર અનુભવ ગણાવ્યો.

નવી શરૂઆતને લઈને ચાહકોમાં ઉત્સાહ

આમિર ખાન અને ગૌરી સ્પ્રેટના સંબંધને લઈને લાંબા સમયથી ચર્ચાઓ ચાલી રહી હતી. હવે લગ્નના સમાચાર બાદ ચાહકો તેમના જીવનના નવા અધ્યાય માટે શુભેચ્છાઓ પાઠવી રહ્યા છે અને બંનેના ભવિષ્ય માટે શુભકામનાઓ વ્યક્ત કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ