સુરત / કળિયુગ.! પ્રેમમાં શારીરિક સબંધ બાંધ્યો, તાજી જન્મેલી બાળકી યુવકને સોંપી તો ઘરવાળાએ દાટી દીધી, બંને મામા ફોઈના નીકળ્યા

• સુરત જિલ્લામાં ચોંકાવનારી ઘટના સામે આવી
• તાજા જન્મેલ બાળકને દફનાવી દેવામાં આવ્યું
• પરણિત યુવક અને અપરણિત યુવતીએ વચ્ચે હતા પ્રેમસબંધ 

કળિયુગને પણ શરમાવે તેવી ઘટના સુરતમાં સામે આવી છે.જેમાં પાપ છૂપાવવા તાજા જન્મેલા બાળકને દફનાવી દીધાનું બહાર આવતા ચકચાર મચી જવા પામી છે. બીજી બાજુ નવજાતના માતા-પિતા પર ચારેબાજુથી ફિટકાર વરસી રહ્યો છે. આ મામલે જાણ થતા પોલીસે દોડી જઇ તપાસ હાથ ધરી હતી. જેમા કેટલીક ચોંકાવનારી વિગતો પણ સામે આવી છે જેમાં મામા-ફોઇના યુવક-યુવતી વચ્ચે પ્રેમપ્રસંગ ખિલ્યો હતો એટલું જ નહીં શારીરીક સંબંધો બાદ યુવતીને ગર્ભ રહી ગયો હતો, બાદમાં બાળકીનો જન્મ થયો હતો. ત્યારે સમાજમાં બદનામી થશે તેમ વિચારીને નરાધમેં માસૂમની બારોબાર દફનવિધિ કરી નાખી હતી.

શારીરિક સબંધ બાંધતા યુવતી ગર્ભવતી બની હતી
જો કે સમગ્ર હકિકત બહાર આવી જતાં પોલીસ અને મામલતદારનો સ્ટાફ ઘટનાસ્થળે દોડી ગયો હતો અને તપાસ હાથ ધરી આરોપીઓની ધરપકડથી લઇને કાયદેસરની કાર્યવાહી હાથ ધરી છે. પરણિત યુવક અને અપરણિત યુવતી વચ્ચે પ્રેમસંબંધમાં બાળકીનો જન્મ થયો હતો, આ યુવક -યુવતી સંબંધમાં મામા-ફોઇના થાય છે. બાદમાં કામરેજ પોલીસે એફએસએલની ટીમને સાથે રાખી બાળકીને બહાર કાઢી યુવતીના પરિવારજનોએ બાળકીને પ્રેમીને સોંપી હતી, જો કે બાદમાં પરણિત પ્રેમી અને યુવતીના માતા-પિતાએ જંગલમાં તાજી જન્મેલી બાળકીની બારોબાર દફનવિધિ કરી દીધી હતી. 

પરિવારે પ્રેમી પરણિત યુવકને બોલાવી બાળકી સોંપી દીધી 
સમગ્ર ચોંકાવનારી હકિકતની જાણ થતાં જ પોલીસ ઊંડી તપાસ હાથ ધરી બાળકીનો જન્મ ક્યાંક થયો અને બાળકી મૃત જન્મ હતી કે નરાધમેં જીવતી દાટી દીધી તે દિશામાં તપાસના ચક્રો ગતિમાન કર્યા છે.