- અમેરિકામાં કળિયુગની ચાળી ખાતો કિસ્સો સામે આવ્યો
- 16 મહિનાની બાળકીને ઘરે એકલી મૂકી માતા નીકળી ગઈ રજા માણવા
- 10 દિવસ બાદ માતા પર આવતા બાળકીનું થયું મોત
પોતાના બાળક માટે ડગલેને પગલે બલિદાન આપતી માતાને ભગવાનથી પણ ઊંચો દરજ્જો આપવામાં આવે છે. કોઈ પણ મુશ્કેલી આવી હોય તેમા બાળક સુધી મુશ્કેલી ન પહોંચે તે માટે માતા બાળકની આગળ પહાડ થઈને ઉભી રહે છે. પરંતુ માતા બાળકના પ્રેમમા પણ હવે કળિયુગની અસર વર્તાઈ રહી હોય તેવા અનેક કિસ્સાઓ સામે આવે છે. આવો જ એક કાળજુ કંપાવતો કિસ્સો અમેરિકાથી સામે આવ્યો છે. જેમાં ૧૬ મહિનાની બાળકીને ઘરે મૂકીને માતા રજા મનાવવા નીકળી ગઈ હતી. આ દરમિયાન માતાના વિયોગમાં અને ભૂખી-તરસી બાળકી તડપી તડપીને મોતને શરણ થઈ હતી.
ચોકાવનારા કિસાની વિગતે એવી છે કે અમેરિકાના ઓહાયો ખાતે રહેતી 31 વર્ષીય મહિલા ક્રિસ્ટેલ એ. કેન્ડેલેરિયો તેમની 16 મહિનાની પુત્રી જેલીનને કોઈની દેખભાળ વગર પોતાના ઘરે એકલી રાખીને નીકળી ગઈ હતી. વેકેશનની મોજ માણવા ગયેલી મહિલાએ આજુબાજુ રહેતા લોકોને તેમની પુત્રીની દેખભાળ રાખવા માટે કહ્યું હતું. પરંતુ રજામાં ગયા બાદ દસ દિવસ દરમિયાન પાડોશીને એક પણ મદદ માટે ફોન કે મેસજ કર્યો ન હતો.
બાળકી ગંધા ગોદડામાં વીંટાયેલી મળી
આ દરમિયાન ખોરાક અને પાણીના અભાવને પગલે બાળકીનું ડીહાઇડ્રેશનને લઈને મોત નીપજ્યું હતું. જે મામલે સ્થાનિક લોકો દ્વારા પોલીસને જાણ કરાતા પોલીસ સ્ટાફતાબડ દોડી આવ્યો હતો. જ્યા બાળકી મૃત હાલતમાં જોવા મળી હતી. આ અંગે કલેવલેન્ડ પોલીસ વિભાગના અધિકારીઓ અને ઇમરજન્સી મેડિકલ સર્વિસસ સ્ટાફના અધિકારીઓએ વિગત આપી હતી. પોલીસે જણાવ્યું હતું કે જ્યારે બાળકીને હાલત અંગે કોલ આવ્યા બાદ અમે દોડી ગયા હતા. જ્યાં તપાસ હાથ ધરતા બાળકી ગંધા ગોદડામાં વીંટાયેલી મળી હતી. આ ગોદડા પર બાળકીના જાજરૂના ડાઘ પણ હતા. પોલીસે આ મામલામાં માતા ક્રિસ્ટેલ એ. કેન્ડેલેરિયો સામે હત્યાનો કેસ નોંધી તેની ધરપકડ કરી હતી.
