6 ફોટો ગેલેરી

તમારા કામનું / 8મા પગાર પંચમાં જૂની પેન્શન યોજનાની માંગણીઓ તેજ, જાણો ક્યાં અટવાયો છે પેચ અને શું છે કર્મચારીઓની 5 મોટી માંગો

Last Updated: 04:38 PM, 12 September 2026

FOLLOW ON

શેર કરો

8મા પગાર પંચ સમક્ષ કેન્દ્રીય કર્મચારી સંગઠનોએ જૂની પેન્શન યોજના (OPS) પાછી લાવવા અને લઘુત્તમ પગાર વધારીને રૂ. 68,000 કરવાની માંગ મૂકી છે.

1/6

1. 8મા પગાર પંચમાં જૂની પેન્શન યોજનાની માંગણીઓ તેજ, જાણો ક્યાં અટવાયો છે પેચ અને શું છે કર્મચારીઓની 5 મોટી માંગો

8મા પગાર પંચ (8th Pay Commission) ના ગઠન બાદ કેન્દ્રીય કર્મચારીઓ અને પેન્શનરોમાં પગાર વધારા તેમજ પેન્શન યોજનાને લઈને ભારે ઉત્સાહ જોવા મળી રહ્યો છે. જોકે, આ બધાની વચ્ચે જૂની પેન્શન યોજના (OPS) ને પુનઃ લાગુ કરવાની માંગણીએ જોર પકડ્યું છે. કર્મચારી સંગઠનો અને રેલવે યુનિયનોએ નવી પેન્શન સ્કીમ (NPS) અને યુનિફાઈડ પેન્શન સ્કીમ (UPS) નો અસ્વીકાર કરતાં તમામ કર્મચારીઓ માટે ઓપીએસની સંપૂર્ણ પુનઃબહાલની માંગ આક્રમક રીતે દોહરાવી છે.

આ તસવીર શેર કરો

2/6

2. NPS અને UPS સામે કર્મચારીઓને શું છે વાંધો?

કર્મચારી સંગઠનોનું માનવું છે કે ઓપીએસ અંતર્ગત નિવૃત્તિ બાદ નિશ્ચિત પેન્શનની ગેરંટી મળતી હતી, જ્યારે એનપીએસનું વળતર સંપૂર્ણપણે શેરબજારના ઉતાર-ચઢાવ પર આધારિત છે. જેના કારણે નિવૃત્તિ પછી સામાજિક અને આર્થિક સુરક્ષા જોખમાય છે. તાજેતરમાં ચેન્નઈ ખાતે યોજાયેલી ઉચ્ચસ્તરીય બેઠકમાં પેન્શનર્સ ફોરમે પગાર પંચ સમક્ષ સ્પષ્ટ કર્યું હતું કે યુપીએસથી કર્મચારીઓ સંતુષ્ટ નથી.

આ તસવીર શેર કરો

3/6

3. આર્થિક અને કાનૂની નિષ્ણાતોનો અભિપ્રાય

કાનૂની અને આર્થિક નિષ્ણાતોના મતે ઓલ્ડ પેન્શન સ્કીમ (OPS) ને દેશભરમાં ફરીથી લાગુ કરવાથી સરકારી તિજોરી પર ખૂબ મોટો નાણાકીય બોજ પડશે, જેની સીધી અસર દેશના વિકાસ કાર્યો અને બજેટ પર પડી શકે છે. નિષ્ણાતોના જણાવ્યા મુજબ, સરકાર ઓપીએસને સંપૂર્ણપણે પાછી લાવવાને બદલે યુપીએસ (UPS) માં વધુ સુધારા કરીને કર્મચારીઓને રાહત આપવાના વિકલ્પ પર વિચાર કરી શકે છે.

આ તસવીર શેર કરો

4/6

4. કર્મચારી સંગઠનોની 5 પ્રમુખ માંગણીઓ

OPS ની વાપસી: એનપીએસને નાબૂદ કરી તુરંત ઓપીએસ અમલી બનાવવી. લઘુત્તમ વેતનમાં વધારો: લઘુત્તમ બેસિક સેલેરી વધારીને રૂ. 68,000 કરવી અને દર 10 વર્ષના ઈંતજારને બદલે કાયમી 'વેજ-રિવિઝન' સિસ્ટમ બનાવવી. બેસિક અને ફેમિલી પેન્શનમાં સુધારો: પૂર્વ કર્મચારીઓ અને તેમના આશ્રિતો માટે બેસિક પેન્શનમાં સન્માનજનક વધારો. પેન્શન કમ્યુટેશન નિયમોમાં રાહત: કમ્યુટેડ પેન્શનની રિકવરી અંગે સ્પષ્ટ અને સરળ નીતિ બનાવવી. MACP અને એલાઉન્સમાં સુધારો: ડાક કર્મચારીઓ અને અન્ય કેડર માટે પ્રમોશન-ઈન્ક્રીમેન્ટ સંબંધિત MACP ના લાભો સુધારવા અને લીવ રૂલ્સ વ્યાજબી બનાવવા.

આ તસવીર શેર કરો

5/6

5. સિવિલિયન કર્મચારીઓ માટે OROP ની શક્યતા કેટલી?

સશસ્ત્ર દળોની માફક નાગરિક કર્મચારીઓ માટે 'વન રેન્ક, વન પેન્શન' (OROP) લાગુ કરવા અંગે લીગલ એક્સપર્ટ્સનું માનવું છે કે સેના અને સિવિલ સેવાઓનું માળખું તદ્દન અલગ હોય છે. દરેક વિભાગ, કેડર અને ભરતી વર્ષ અલગ હોવાથી એકસમાન ઓઆરઓપી ફોર્મ્યુલાથી નવી અસમાનતાઓ ઊભી થઈ શકે છે.

આ તસવીર શેર કરો

6/6

6. આયોગની આગામી બેઠક 16 થી 18 સપ્ટેમ્બરે

ઉલ્લેખનીય છે કે જસ્ટિસ રંજના પ્રકાશ દેસાઈની અધ્યક્ષતામાં કાર્યરત આ આયોગ મે-જૂન 2027 સુધીમાં પોતાનો આખરી અહેવાલ સોંપે તેવી શક્યતા છે, અને દરમિયાન ચંડીગઢ ખાતે યોજાનાર છે.

આ તસવીર શેર કરો

સંકળાયેલા મુદ્દાઓ

OldPensionScheme OPS 8thPayCommission