5 ફોટો ગેલેરી

8th Pay Commission / કેન્દ્રીય કર્મચારીઓના પગારમાં રૂ. 51,000 નો સીધો ઉછાળો? જાણો ફિટમેન્ટ ફેક્ટરની નવી માંગ!

Last Updated: 07:45 PM, 12 September 2026

FOLLOW ON

શેર કરો

8મા પગાર પંચ સમક્ષ કર્મચારી સંગઠનોએ ફિટમેન્ટ ફેક્ટર વધારીને 3.833 કરવાની પ્રબળ માંગ કરી છે. જો સરકાર આ માંગણી સ્વીકારે તો કેન્દ્રીય કર્મચારીઓનો ન્યૂનતમ બેસિક પગાર સીધો રૂ. 18,000 થી વધીને રૂ. 68,940 થઈ જશે.

1/5

1. કેન્દ્રીય કર્મચારીઓના પગારમાં રૂ. 51,000 નો સીધો ઉછાળો? જાણો ફિટમેન્ટ ફેક્ટરની નવી માંગ!

8મા પગાર પંચ (8th Pay Commission) ની બેઠકોનો દોર હાલ દેશભરમાં પૂરજોશમાં ચાલી રહ્યો છે. ચેન્નાઈ અને પુડુચેરી બાદ હવે 16 થી 18 સપ્ટેમ્બર દરમિયાન ચંડીગઢ ખાતે મહત્વપૂર્ણ બેઠકો યોજાનાર છે. આ બેઠકોમાં કેન્દ્રીય કર્મચારીઓ અને પેન્શનર યુનિયનો દ્વારા રજૂ કરવામાં આવેલી માંગણીઓમાં સૌથી પ્રમુખ માંગ ફિટમેન્ટ ફેક્ટર (Fitment Factor) ને વધારીને 3.833 કરવાની છે. જો કેન્દ્ર સરકાર આ પ્રસ્તાવ સ્વીકારી લે છે, તો 50 લાખથી વધુ કેન્દ્રીય કર્મચારીઓ અને 69 લાખ પેન્શનરોની આવકમાં ઐતિહાસિક ઉછાળો જોવા મળશે.

આ તસવીર શેર કરો

2/5

2. ફિટમેન્ટ ફેક્ટર શું છે અને કેવી રીતે થશે ગણતરી?

ફિટમેન્ટ ફેક્ટર એ એવો આંકડો છે જેના આધારે કર્મચારીઓના જૂના બેસિક પે (મૂળ પગાર) કે પેન્શનને નવી સુધારેલી રકમમાં ફેરવવામાં આવે છે. હાલ 7મા પગાર પંચ હેઠળ 2.57 ફિટમેન્ટ ફેક્ટર લાગુ છે, જેના કારણે લઘુત્તમ બેસિક સેલેરી રૂ. 7,000 થી વધીને રૂ. 18,000 થઈ હતી. હવે જો 8મા પગાર પંચમાં તેને વધારીને 3.833 કરવામાં આવે, તો નવી લઘુત્તમ બેસિક સેલેરી (રૂ. 18,000 x 3.83) વધીને રૂ. 68,940 થઈ જશે. એટલે કે કર્મચારીઓની બેસિક સેલેરીમાં સીધો રૂ. 50,940 (આશરે રૂ. 51,000) નો વધારો થશે.

આ તસવીર શેર કરો

3/5

3. લેવલ-1 થી લેવલ-10 ના કર્મચારીઓનો સંભવિત પગાર વધારો

લેવલ-1: હાલની રૂ. 18,000 બેસિક સેલેરી વધીને રૂ. 68,940 થશે. લેવલ-2: રૂ. 19,900 વધીને રૂ. 76,217 થશે. લેવલ-3: રૂ. 21,700 વધીને રૂ. 83,111 થશે. લેવલ-4: રૂ. 25,500 વધીને રૂ. 97,665 થશે. લેવલ-5: રૂ. 29,200 વધીને રૂ. 1,11,836 થશે. લેવલ-6: રૂ. 35,400 વધીને રૂ. 1,35,582 થશે. લેવલ-10: રૂ. 56,100 વધીને રૂ. 2,14,863 થશે.

આ તસવીર શેર કરો

4/5

4. 69 લાખ પેન્શનરોને પણ બંપર ફાયદો

ફિટમેન્ટ ફેક્ટરમાં પ્રસ્તાવિત વધારાથી દેશના 69 લાખ નિવૃત્ત કર્મચારીઓની પેન્શન રકમમાં પણ મોટો ઉછાળો આવશે. ઉદાહરણ તરીકે, જે પેન્શનરને હાલ રૂ. 25,000 માસિક પેન્શન મળે છે, તેમનું પેન્શન વધીને રૂ. 95,750 પ્રતિ માસ થઈ શકે છે.

આ તસવીર શેર કરો

5/5

5. અહેવાલ મે-જૂન 2027 સુધીમાં રજૂ થશે

નોંધનીય છે કે જસ્ટિસ રંજના પ્રકાશ દેસાઈની અધ્યક્ષતાવાળું 8મું પગાર પંચ પોતાનો આખરી અહેવાલ મે-જૂન 2027 સુધીમાં રજૂ કરે તેવી શક્યતા છે, ત્યારબાદ જ આ ભલામણો પર આખરી મહોર લાગશે.

આ તસવીર શેર કરો

સંકળાયેલા મુદ્દાઓ

FitmentFactor SalaryHike 8thPayCommission