- એક દિવસમાં બે દિવસમાં આવ્યો ધરતીકંપ
- 7.3 ની તીવ્રતાના ભૂકંપથી જાપાન ધૂજ્યું
- ભારતના લદ્દાખમાં પણ 5.2ની તીવ્રતાનો ભૂકંપ
બુધવારે જાપાનમાં 7.3ની તીવ્રતાનો ધરતીકંપ આવતા ત્સુનામીનું એલર્ટ જાહેર કરવામાં આવ્યું છે.
લદ્દાખમાં 5.2ની તીવ્રતાનો ધરતીકંપ
લદ્દાખમાં ભૂકંપનો આંચકો અનુભવાયો છે. રિક્ટર સ્કેલ પર ભૂકંપની તીવ્રતા 5.2 માપવામાં આવી છે. નેશનલ સેન્ટર ફોર સિસ્મોલોજીના જણાવ્યા અનુસાર મોડી સાંજે 7:05 વાગ્યે લદ્દાખમાં ભૂકંપના આંચકા અનુભવાયા હતા.
બન્ને દેશોમાં જાનમાલની કોઈ ખબર નહીં
ભૂકંપના આંચકા અનુભવાતા જ લોકો ઘરની બહાર આવી ગયા હતા. હાલ આ ભૂકંપના આંચકામાં કોઇ જાનમાલનું નુકસાન થયું નથી. જો કે લોકોમાં અફરાતફરીનો માહોલ જોવા મળી રહ્યો છે. હવામાન વિભાગના સ્થાનિક અધિકારીઓએ જણાવ્યું હતું કે ભૂકંપની ઊંડાઈ 110 કિમી, રેખાંશ 75.18 પૂર્વ અને અક્ષાંશ 36.01 ઉત્તરની હતી.
જાપાનમાં 7.3ની તીવ્રતાનો ભૂકંપ,ત્સુનામીનું એલર્ટ
જાપાનમાં ભૂકંપના જોરદાર આંચકા અનુભવાયા છે. રિક્ટર સ્કેલ પર ભૂકંપની તીવ્રતા 7.3 માપવામાં આવી હતી. જાપાનમાં ભૂકંપના આંચકાની સાથે સુનામીનું એલર્ટ જાહેર કરવામાં આવ્યું છે.
શા માટે અનુભવાય છે ભૂકંપના આંચકા
પૃથ્વીની અંદર 7 પ્લેટ છે, જે સતત ફરતી રહે છે. જ્યાં આ પ્લેટો વધુ અથડાય છે, ત્યાં ઝોનને ફોલ્ટ લાઇન કહેવામાં આવે છે. પ્લેટોના ખૂણાઓ વારંવારની અથડામણથી વળી જાય છે. જ્યારે વધારે પડતું દબાણ આવે છે, ત્યારે પ્લેટો તૂટવા લાગે છે. નીચેની ઉર્જામાંથી બહાર નીકળવાનો માર્ગ મળે છે અને ખલેલ પછી ભૂકંપના આંચકા અનુભવાય છે.
