- 63 વર્ષીય દાદીમાં થયા વાયરલ
- તમિલ હિટ સૉન્ગ પર લગાવ્યા ઠુમકા
- ડાન્સ જોઇને કરશો વાહ વાહ
થાલાપતિ વિજય અને પૂજા હેગડે અભિનીત આગામી તમિલ ફિલ્મ 'બીસ્ટ'ના ગીત 'હલામિથિ હબીબો'એ સોશિયલ મીડિયા પર ધૂમ મચાવી છે. અરબી કુથુ લિરિકલ વિડીયો સોંગ 'હલામિથી હબીબો'ની લોકપ્રિયતા આકાશને આંબી રહી છે. હવે આ ગીતની ટ્યુન પર ઇન્સ્ટાગ્રામ સહિત તમામ સોશિયલ મીડિયા પર કન્ટેન્ટ બનાવવામાં આવી રહ્યું છે. આ ગીત પર ઘણી મોટી હસ્તીઓ પણ ડાન્સ કરતી જોવા મળી હતી. કહેવાની જરૂર નથી કે #ArabicKuthuChallenge એ સોશિયલ મીડિયા યુઝર્સ વચ્ચે એક નવો ડાન્સ ટ્રેન્ડ બની ગયો છે અને તેણે ઇન્ટરનેટ પર કબજો જમાવ્યો છે.
63 વર્ષીય દાદીએ લગાવ્યા ઠુમકા
જો તમારું ઈન્સ્ટાગ્રામ પર એકાઉન્ટ છે, તો તમે 63 વર્ષીય રવિ બાલા શર્માના ઘણા ડાન્સ વીડિયો જોયા હશે. 'ડાન્સિંગ દાદી' તરીકે પ્રખ્યાત, આ વૃદ્ધ મહિલાએ લોકપ્રિય બોલિવૂડ ગીતો પર તેના આકર્ષક ડાન્સ મૂવ્સથી ઇન્ટરનેટ પર દિલ જીતી લીધા છે, જે સાબિત કરે છે કે ઉંમર માત્ર એક સંખ્યા છે. તે ફરી એકવાર વધુ એક વાયરલ વીડિયો સાથે પરત ફરી છે. તેના નવા ડાન્સ વિડિયોમાં દાદી 'હલામિથી હબીબો' ગીત પર ધૂન કરતી જોવા મળી હતી.
ડાન્સિંગ દાદી સોશિયલ મીડિયામાં લોકપ્રિય
વીડિયોમાં દાદી બ્લેક જોગર્સ અને લાલ શર્ટ પહેરેલા જોવા મળે છે. તેમણે આવો લૂક એટલા માટે પસંદ કર્યો કારણ કે તેઓ પેપ્પી ગીત પર તેના ડાન્સ મૂવ્સ કરી રહી છે. તેણે 'હલામિથી હબીબો' ગીત પર હૂક સ્ટેપ કર્યું હતું. ડાન્સ કરતી વખતે, તે તેના સુંદર સ્મિતને પણ ફ્લોન્ટ કરે છે. દાદીએ તેના ઈન્સ્ટાગ્રામ પર વિડિયો શેર કરતા લખ્યું, 'તમે ઈચ્છો ત્યારે ડાન્સ કરો! આ ગીત તમારા આંતરિક તમિલ ચાહકોને બહાર લાવવા માટે દરેક માટે એક ટ્રીટ છે!'
સોશિયલ મીડિયા પર દાદી થયા હિટ
ડાન્સિંગ દાદીના લેટેસ્ટ વીડિયોને એક લાખથી વધુ વ્યૂઝ અને 10,000થી વધુ લાઈક્સ મળ્યા છે. આ ઉંમરે પણ સારો ડાન્સ કરવા બદલ લોકોએ ખૂબ વખાણ કર્યા.
