- 6 નગરપાલિકામાં ચીફ ઓફિસરની ભરતી કરાર આધારીત
- શહેરી વિકાસ કમિશનરે કરી જાહેરાત
- ડભોઈ, ખંભાત, બોરિયાવી, લુણાવાડા, ગોધરા, સોજિત્રાનો સમાવેશ
કોન્ટ્રાક્ટ પદ્ધતિથી સરકારી પદો પર ભરતી કરવાની નીતિમાં એક નવો અધ્યાય ઉમેરાયો છે. રાજ્યની 6 નગરપાલિકાઓમાં વહિવટી ક્ષેત્રે મોટો ફેરફાર કરવામાં આવ્યો છે. હવેથી 6 નગરપાલિકામાં ચીફ ઓફિસરની ભરતી કરાર આધારીત થશે. શહેરી વિકાસ કમિશનરે આ જાહેરાત કરી હતી. ડભોઈ, ખંભાત, બોરિયાવી, લુણાવાડા, ગોધરા, સોજિત્રા નગરપાલિકાનો સમાવેશ થાય છે. 6 નગરપાલિકાઓમાં ચીફ ઓફિસરને કરાર આધારીત નિમણૂક મળશે. મહત્વનું છે કે નગરપાલિકાઓની વહીવટની જવાબદારી ચીફ ઑફિસરની હોય છે. ચીફ ઑફિસરની સત્તા નાણાકીય સહિત વ્યવસ્થા સંભાળવાની જવાબદારી હોય છે. આ સત્તા માટે તેમણે નિયમ પ્રમાણેની કામગીરી કરવાની હોય છે.
મળતિયાઓને ગોઠવવાની વ્યવસ્થા- મનીષ દોષી
આ અંગે કોંગ્રેસના પ્રવક્તા મનીષ દોષીએ પ્રતિક્રિયા આપતા જણાવ્યુ હતું કે આ ઘણી ગંભીર અને ચિંતાનો વિષય છે. નગરપાલિકામાં કાયમી અધિકારીઓ ન નીમીને જે નગરપાલિકામાં વસતા લોકો છે તેઓ પાયાની સુવિધાથી વંચિત રહેવાની સ્થિતિ ઉભી થાય છે. કાયમી અધિકારી હોય તો જવાબદારી નક્કી થાય પરંતુ કાયમી અધિકારીઓની જવાબદારી કેટલી એ મોટો પ્રશ્ન છે. સરકાર એક તરફ શહેરી વિકાસને સિધ્ધિ ગણાવે છે તો બીજી તરફ તેની જવાબદારી સંભાળવા માટે કાયમી ચીફ ઑફિસરની નિમણૂંક કરી શકતી નથી તેનો આ જીવતો જાગતો પુરાવો છે. એક તકફ ગુજરાતમાં સરકારી નોકરીથી વંચિત રહેનારા લાખો શિક્ષિત યુવાનો નોકરી ઝંખી રહ્યા છે તો બીજી તરફ સરકાર આઉટસોર્સિંગ એજન્સી અને કરાર આધારિત કંપનીઓને ફાયદો કરાવવા અને મળતિયાઓને ગોઠવવા માટે આ પ્રકારની વ્યવસ્થા કરી રહી હોવાનો આરોપ લગાવ્યો હતો.
