ફાયદાની વાત / જો તમે પણ કરી રહ્યાં છો આ પ્રકારની ખેતી, તો સરકાર આપી રહી છે 50 ટકા સબસિડી, આ રીતે ઉઠાવો લાભ

બાગાયતી ખેડૂતો માટે સારા સમાચાર છે. જો તમે પણ બાગાયતી ખેતી કરીને તમારી આવક વધારવા માંગતા હો, તો તમે સરકાર દ્વારા શરૂ કરાયેલ બાગાયતી પાક પરની સબસિડીનો લાભ લઈને તમારી આવકમાં વધારો કરી શકો છો. હકીકતમાં, ભારત સરકાર ફળો અને શાકભાજીની ખેતી માટે ખેડૂતોને 50 ટકા સુધીની સબસિડી આપે છે. જેથી તે સારી ઉપજની સાથે પોતાની આર્થિક સ્થિતિ પણ સુધારી શકે.

જણાવી દઈએ કે, રાષ્ટ્રીય બાગાયત બોર્ડ National Horticulture Board બાગાયતના વિવિધ ક્ષેત્રોમાં વિવિધ પ્રકારની સબસિડી સુવિધાઓ પ્રદાન કરે છે.

બાગાયતના આ ક્ષેત્રોમાં 50 % સબસિડી ઉપલબ્ધ થશે

• પોલીહાઉસ, ગ્રીનહાઉસ અથવા શેડનેટમાં કેપ્સિકમ, ટામેટા, કાકડી અથવા અમુક પ્રકારના ફૂલો વગેરેની ખેતી પર સંરક્ષિત વિસ્તારોમાં ખેતી પર લગભગ 50 ટકા સબસિડી આપવામાં આવે છે.
• ખુલ્લા મેદાનમાં ખેતી કરવા પર 40 ટકા સુધીની સબસિડી આપવામાં આવી રહી છે. જેમાં જામફળ, કેરી અને આમળાના ખુલ્લા ખેતરોનો સમાવેશ થાય છે.
• કોલ્ડ સ્ટોરેજ પર 35 થી 50 ટકા સબસિડી પણ આપવામાં આવી રહી છે, જેમાં કોલ્ડ સ્ટોરેજ અને પોસ્ટ હાર્વેસ્ટ પછીના ઘટકો જેવા કે પેક હાઉસ, પેનિંગ રિપનિંગ ચેમ્બર, રેફ્રિજરેટેડ વાહનો વગેરેનો સમાવેશ થાય છે.
• આ ઉપરાંત મશરૂમની ખેતી પર 40 ટકા સબસિડી પણ આપવામાં આવી રહી છે.

આ રીતે અરજી કરવી

વધુ વાંચોઃ- ધો. 10-12 પાસ નવયુવાનો માટે આવી નૌસેનામાં નોકરી કરવાની ઉજ્જવળ તક, ફટાફટ કરો એપ્લાય

• જો તમે પણ બાગાયતી પાકની ખેતી કરો છો અને તમે બાગાયતી પાકો અને બાગાયતના વિવિધ ક્ષેત્રોમાં સરકાર દ્વારા આપવામાં આવતી સબસિડીનો લાભ લેવા માંગો છો, તો તમારે રાષ્ટ્રીય બાગાયત બોર્ડની સત્તાવાર વેબસાઇટ પર જવું.
• આ પછી commercial હોર્ટિકલ્ચર સબસિડીના વિકલ્પ પર ક્લિક કરો.
• અરજી દરમિયાન વિગતવાર પૂછવામાં આવેલી તમામ માહિતી દાખલ કર્યા બાદ અને તમામ માહિતી સાચી મળ્યા બાદ ખેડૂતને સરકાર તરફથી સબસીડીનો લાભ આપવામાં આવશે