બનાસકાંઠા / અંબાજીમાં અસામાજિક તત્વોનો પોલીસ પર હુમલો, સ્થાનિકોએ બચાવ્યો પોલીસકર્મી

બનાસકાંઠાના અંબાજી ખાતે કાયદો અને વ્યવસ્થાની સ્થિતિને પડકારતી એક ગંભીર ઘટના સામે આવી છે. અંબાજીના 8 નંબર વિસ્તારમાં બે અસામાજિક તત્વોએ ફરજ પર રહેલા એક પોલીસકર્મી પર હુમલો કર્યો હતો. આ ઘટનાથી વિસ્તારમાં થોડા સમય માટે તણાવનો માહોલ સર્જાયો હતો.

પોલીસકર્મીને ઈજાઓ પહોંચી

પ્રાપ્ત વિગતો અનુસાર, પોલીસ એક શખ્સને પકડવા માટે વિસ્તારમાં પહોંચી હતી. આ દરમિયાન ઉશ્કેરાયેલા બે શખ્સોએ પોલીસકર્મી સાથે ઝપાઝપી શરૂ કરી હતી. બાદમાં તેમણે પથ્થર અને લાકડી વડે પોલીસકર્મી પર હુમલો કર્યો હતો. જેના કારણે પોલીસકર્મીને ઈજાઓ પહોંચી હોવાનું જાણવા મળ્યું છે.

તોડફોડ કરી નુકસાન પહોંચાડ્યું

આટલું જ નહીં, હુમલાખોરોએ પોલીસની વાનમાં પણ તોડફોડ કરી નુકસાન પહોંચાડ્યું હતું. ઘટનાને પગલે આસપાસના લોકો એકત્ર થઈ ગયા હતા અને સ્થાનિકોએ હિંમત દાખવી પોલીસકર્મીને બચાવી લીધો હતો.

પોલીસ અધિકારીઓ ઘટના સ્થળે પહોંચ્યા

ઘટનાની જાણ થતાં જ અન્ય પોલીસ કર્મચારીઓ અને અધિકારીઓ સ્થળ પર દોડી આવ્યા હતા. પોલીસે સમગ્ર મામલે ગુનો નોંધી હુમલાખોરોને ઝડપી પાડવા માટે કાર્યવાહી હાથ ધરી છે.

આ પણ વાંચોઃ નીટ પરીક્ષા દરમિયાન મુંબઈ-વડોદરામાં બની 2 ચોંકાવનારી ઘટના, જાણીને દેશ હેરાન

અંબાજી જેવા ધાર્મિક સ્થળે પોલીસ પર થયેલા આ હુમલાએ સુરક્ષા વ્યવસ્થા અને કાયદો-વ્યવસ્થાને લઈને અનેક સવાલો ઊભા કર્યા છે. હાલ પોલીસ સમગ્ર ઘટનાની તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ