ચેકિંગ / ડ્રિન્ક એન્ડ ડ્રાઈવમાં ઝડપાયા તો ગયા સમજો, આજથી અમદાવાદ પોલીસે શરૂ કરી 5 દિવસની મેગા ડ્રાઈવ, થશે કડક કાર્યવાહી

• દારૂ પી ને વાહન ચલાવતા લોકો સામે થશે કાર્યવાહી
• આજથી અમદાવાદમાં 5 દિવસની પોલીસ ડ્રાઈવ
• એન્ટ્રી - એક્ઝિટ પોઈન્ટ પર પોલીસ તૈનાત રહેશે

ગુજરાતમાં આમ તો કહેવાતી દારૂ બંધી છે પણ દારૂના જથ્થા અને દારૂ ઢીંચનારા લોકો ઢગલાબંધ છે. જેથી હવે અમદાવાદ પોલીસે ડ્રિંક અને ડ્રાઈવ કેસમાં કાર્યવાહી કરવા સ્પેશિયલ આજથી ડ્રાઈવ શરૂ કરી છે. જે આવનાર 5 દિવસ સુધી ચાલશે. ખાસ કરીને શહેરની અંદર આવતા અને જતા લોકોનું ચેકિંગ કરવામાં આવશે.

250 પોઈન્ટ પર પોલીસ બ્રેથ એનલાઈઝર ઊભી છે
આજથી અમદાવાદમાં દારૂ પી ને વાહન ચલાવતા લોકોની સામે પોલીસ સખ્તાઈના પગલાં ભરશે, શહેરના એન્ટ્રી - એક્ઝિટ પોઈન્ટ પર પોલીસ તૈનાત રહેશે જેથી  250 પોઈન્ટ પર પોલીસ જવાનો દ્વારા સધન ચેકિંગ પણ હાથ ધરવામાં આવશે. 597 બ્રેથ એનલાઈઝર સાથે પોલીસ સજ્જ થઈ છે ત્યારે હવે ડ્રિંક અને ડ્રાઈવ કરતાં લોકોએ ચેતવી જવાની જરૂર છે અત્યાર સુધી કોરોનાનું બહાનું બતાવી લોકો બ્રેથ એનલાઈઝરનો ઉપયોગ કરવાનું ટાળતા હતા. જેથી સતત 2 વર્ષ આ ડ્રાઈવ લગભગ લગભગ બંધ જ રાખવામાં આવી હતી. પણ હવે કોરોના શાંત પડતાં પોલીસે ફરી સધડ ચેકિંગ અને 597 બ્રેથ એનલાઈઝર દ્વારા લોકોને પકડવાની કાર્યવાહી શરૂ કરવામાં આવી છે.

પોલીસે સ્પેશિયલ વોચ ગોઠવી 
પોલીસ કંટ્રોલ રુમમાંથી કાર ડ્રાઈવર્સ પર સ્પેશિયલ વૉચ રાખશે, અને જો કોઈ શંકાસ્પદ ગતિવિધી દેખાશે તો લોકલ પોલીસને જાણ કરવામાં આવશે.પોલીસ ઈન્સ્પેક્ટર્સ, ટ્રાફિકડ ડિપાર્ટમેન્ટ અને તેમની ટીમ બ્રેથ એનલાઈઝર્સનો ઉપયોગ કરીને વાહન ચાલકની તપાસ કરશે, અને જો કોઈ વ્યક્તિ નશાની હાલતમાં મળશે તો તેના વિરુદ્ધ કાર્યવાહી કરવામાં આવશે.

આવો છે નવો નિયમ
મળતી માહિતી અનુસાર જો તમે દારૂ પીને વાહન ડ્રાઈવ કરો છો અને પોલિસ તમને પકડે છે તો નવા મોટર વ્હીકલ એક્ટના આધારે તમારી ગાડી જપ્ત થઈ શકે છે અને તેની સાથે કોર્ટ તમારી પર 10 હજાર રૂપિયાનો દંડ જાહેર કરી શકે છે. આ સિવાય તમને 6 મહિનાની જેલની સજા અથવા બંને થઈ શકે છે. આ માટે તમે તમારા અને પરિવારનું ધ્યાન રાખો અને આવી ભૂલો ન કરો.