- વડોદરા નજીક મોડીરાત્રે એક ગમખ્વાર અકસ્માત
- એસટી બસ અને બાઇક વચ્ચે અકસ્માતમાં 3ના મોત
- બે સગા ભાઈઓના અકસ્માતમાં મોતથી પરિવારમાં શોક
વડોદરા નજીક મોડીરાત્રે એક ગમખ્વાર અકસ્માતની ઘટના સામે આવી છે. વાત જાણે એમ છે કે, વડોદરા નજીક કોટંબી પાસે રાત્રિના સમયે એસટી બસ અને બાઇક વચ્ચે અકસ્માત સર્જાયો હતો. આ તરફ એસટી બસની અડફેટે બાઇક સવાર બે સગા ભાઈ સહિત 3 યુવાનના ઘટના સ્થળે જ મોત નિપજ્યા હતા. આ તરફ ઘટનાની જાણ થતાં જરોદ પોલીસે ઘટના સ્થળે પહોંચી મૃતદેહોને પોસ્ટમોર્ટમ અંગે મોકલી દેવા કવાયત શરૂ કરી હતી.
વડોદરા પંથકના અમરેશ્વપુરા ગામના ત્રણ યુવાનો ગઈકાલે રાત્રે 8 વાગ્યા આસપાસ બાઇક લઈને જરોદથી પોતાના ગામ તરફ જઈ રહ્યા હતા. આ દરમિયાન વડોદરા નજીક કોટંબી ચોકડી પાસે ગાંધીનગર-પાવાગઢ (GJ-18-Z-4692)ની ST બસે બાઇક સવારોને અડફેટે લીધા હતા. જોકે અકસ્માત એટલો બધો ભયંકર હતો કે, ત્રણ યુવકોના ઘટનાસ્થળે જ કરૂણ મોત નિપજ્યાં હતા.
તો શું ઓવરટેક કરતાં થયો અકસ્માત?
વડોદરા નજીક કોટંબી ચોકડી પાસે બનેલ અકસ્માતમાં એવી વાત સામે આવી રહી છે કે, ટ્રકને ઓવરટેક કરવા જતા અકસ્માત થયો હતો. માહિતી મુજબ આ ઘટનામાં અમરેશ્વરપુરા ગામના બે સગા ભાઇઓ રોશન નટુ વસાવા, રવિ નટુ વસાવા અને રાજેશ નાયક ગંભીર રીતે ઇજાગ્રસ્ત થયા બાદ ત્રણેયના ઘટના સ્થળે જ મોત થયા હતા. આ અકસ્માતને પગલે હાઇવે પર ટ્રાફિક જામ થઈ ગયો હતો. અ
બે સગા ભાઇઓના મોતથી પરિવારમાં શોક
કોટંબી ચોકડી પાસે બનેલ અકસ્માતમાં બે સગા ભાઇઓ રોશન નટુ વસાવા અને રવિ નટુ વસાવાનું મોત થતાં મૃતકના પરિવારજનો ઘેરા શોકમાં ગરકાવ થઈ ગયા છે. ઘટનાની જાણ થતાં જ સ્થાનિકો સહિતના લોકો સ્થળ પર ઉમટી પડ્યા હતા. આ તરફ જરોદ પોલીસે ઘટનાસ્થળે પહોંચીત્રણેય યુવાનોના મૃતદેહને પોસ્ટમોર્ટમ માટે મોકલી આપ્યા હતા.
