- ગુજરાતમાં બે તબક્કામાં યોજાવા જઈ રહી છે ચૂંટણી
- ચૂંટણી પંચે ચૂંટણી ખર્ચની મર્યાદામાં 250%નો કર્યો વધારો
- વિધાનસભાના ઉમેદવારો માટે 2012માં ખર્ચ મર્યાદા હતી રૂ.16 લાખ
ગુજરાતમાં વિધાનસભા ચૂંટણીની તારીખોની જાહેરાત કરવામાં આવી છે. ગુજરાતમાં બે તબક્કામાં ચૂંટણી યોજાવા જઈ રહી છે. છેલ્લા એક દાયકાની વાત કરીએ તો ચૂંટણી પંચે વિધાનસભા ચૂંટણીમાં ઉમેદવારના ખર્ચને 250% વધાર્યો છે. વર્ષ 2012ની વિધાનસભાની ચૂંટણીમાં એક ઉમેદવાર પોતાના પ્રચાર માટે માત્ર 16 લાખ રૂપિયા સુધીનો ખર્ચ કરી શકતા હતા. 2022ની ચૂંટણીમાં પ્રત્યેક ઉમેદવાર 40 લાખ રુપિયા સુધીનો ખર્ચ કરી શકશે. જ્યારે 2022માં વિધાનસભા ચૂંટણી માટે આ રકમ વધારીને 40 લાખ રૂપિયા કરવામાં આવી છે.
લોકસભાની ચૂંટણીમાં 70 લાખ રૂપિયા સુધીનો ખર્ચ કરી શકે છે ઉમેદવાર
આમ તો રાજકીય ખર્ચનો યોગ્ય હિસાબ કોઈની પાસે નથી હોતો. વર્ષ 2014 અને 2019ની લોકસભાની ચૂંટણી દરમિયાન ઉમેદવારોના ચૂંટણી ખર્ચની મર્યાદા 70 લાખ રુપિયા હતી. વર્ષ 2022માં યોજાયેલી પેટાચૂંટણી માટે એક ઉમેદવાર 95 લાખ સુધીનો ખર્ચ કરી શકતા હતા.
ગુજરાતના મોટા નેતાઓએ શું કહ્યું
ગુજરાતના એક મોટા નેતાએ ચૂંટણી દરમિયાન થતા ખર્ચ વિશે વાત કરતાં કહ્યું કે પ્રથમવાર ચૂંટણી લડી રહેલા ઉમેદવાર માટે ચૂંટણી પંચ એક ખાસ કાર્યક્રમ પણ ચલાવે છે, જેથી તે ઉમેદવારને તેની કાયદાકીય માહિતી મળી શકે. ચૂંટણીમાં વધુ પડતા ખર્ચના કિસ્સામાં ચૂંટણી પંચ ઉમેદવારને નોટિસ પણ આપી શકે છે.
દરેક સંસ્થાને આપવામાં આવી નોટિસ
ચૂંટણી પંચે ગુજરાત વિધાનસભા ચૂંટણીને લઈને અનેક સરકારી સંસ્થાઓને દરેક ઉમેદવાર પર નજર રાખવા જણાવ્યું છે. જેમાં આવકવેરા વિભાગ, રાજ્ય પોલીસ, રિઝર્વ પોલીસ ફોર્સ,
સહિત ઘણી એજન્સીઓ સામેલ છે.
ક્યારે યોજાશે વિધાનસભાની ચૂંટણી?
ચૂંટણી પંચે રાજ્યના આબકારી વિભાગને પણ રાજ્યની ચૂંટણી દરમિયાન દારૂના ઉત્પાદન પર સતત દેખરેખ રાખવા પણ કહ્યું છે. ચૂંટણી પંચ સી વિજિલ એપ પર સારી રીતે કામ કરવા માટે શ્રેષ્ઠ પ્રયાસ કરી રહ્યું છે. ગુજરાતમાં પ્રથમ તબક્કામાં 1 ડિસેમ્બરે અને બીજા તબક્કામાં 5 ડિસેમ્બરે મતદાન થશે. આ ચૂંટણીના પરિણામ 8 ડિસેમ્બરે આવશે.
