જ્યોતિષ શાસ્ત્ર / શનિ દશા: કર્ક, તુલા અને કુંભ રાશિના જાતકોનું નવું વર્ષ રહેશે ખૂબ નબળું, શનિ પ્રભાવને કારણે દુનિયામાં પણ આવશે મોટા પરિવર્તન

• જ્યોતિષ ગણના અનુસાર આ નવું વર્ષ શનિથી પ્રભાવિત રહેશે
• વર્ષ 2024માં કેટલીક રાશિનાં જાતકોને મળશે ખૂબ લાભ
• જો કે વર્ષની શરૂઆતમાં થોડો સમય સમસ્યા રહેશે

વર્ષ 2024નો અંક 8 છે જે શનિનો અંક માનવામાં આવે છે. તેથી આ આખું વર્ષ શનિથી પ્રભાવિત રહેશે.  વર્ષની શરૂઆત કન્યા લગ્નમાં રાહુ-કેતુનાં પ્રભાવથી થશે. વર્ષની શરૂઆતમાં ચંદ્ર સિંહ રાશિમાં રહેશે તેથી આખું વર્ષ સૂર્યનો પણ મજબૂત પ્રભાવ રહેશે. તેવામાં સૂર્ય અને શનિ પ્રધાન લોકોને આ વર્ષે ખૂબ લાભ થશે. જો કે વર્ષની શરૂઆતમાં થોડી સમસ્યાઓ આવી શકે છે. વર્ષનાં શરૂઆતી 4 મહિનામાં બીમારી, યુદ્ધ અને પ્રાકૃતિક આફતો જેવી સમસ્યાઓ આવી શકે છે. 

વાંચવા જેવું: 2024માં આ રાશિના કપલ ખાસ ચેતજો : પહેલા બે મહિના સારા જશે, પછી બ્રેકઅપ થઈ શકે!

2024 આ રાશિઓને લાભ આપશે:
આ વર્ષ શનિ કુંભ રાશિમાં વિરાજમાન રહેશે. બુધ શરૂઆતમાં મેષ રાશિમાં રહેશે અને બાદમાં વૃષભ રાશિમાં ચલન કરશે. રાહુ મીન રાશિમાં અને કેતુ કન્યા રાશિમાં રહેશે. ગ્રહો અનુસાર નવાં વર્ષે એપ્રિલ બાદ દેશ દુનિયામાં મોટું પરિવર્તન જોવા મળશે.

આ મૂલાંકનાં લોકોને ફાયદો
જે લોકોનો મૂલાંક 4, 7 કે 8 છે અથવા તો જેમની રાશિ મેષ, મિથુન, કન્યા અને ધનુ છે તેમના માટે વર્ષ 2024 લાભકારી હશે. સાથે જ જેમની કુંડળીમાં સૂર્ય કે શનિ મજબૂત હશે અને જે લોકો ઈમાનદારીથી પોતાનું કામ કરે છે તેમને પણ લાભ મળશે.

કોને થઈ શકે છે નુક્સાન?
જે લોકોનો મૂલાંક 1, 5 અથવા 8 છે કે જેમની રાશિ કર્ક, તુલા કે કુંભ છે જેમને સાવચેત રહેવું પડશે. જેમની કુંડળીમાં શનિની સ્થિતિ સારી નથી અથવા તો જેમનો આહાર-વ્યવહાર યોગ્ય નથી જેમને સમસ્યા થઈ શકે છે.