OMG / PM મોદી-CM યોગીને કંકોત્રી મોકલાવીશ...: 2.3 ફૂટના યુવકને મળી ગઈ દુલ્હન, વાયરલ થઈ સ્ટ્રગલ સ્ટોરી

• ઘણા વિધ્નો આવ્યાં બાદ આખરે 2.3 ફૂટ લાંબા આ શખ્સને મળી રાણી
• વડાપ્રધાન મોદી અને સીએમ યોગીને પોતાના લગ્નનુ નિમંત્રણ કાર્ડ આપશે
• હાઈટ નાની હોવાના કારણે લગ્નમાં મુશ્કેલી આવી રહી હતી

આખરે 2.3 ફૂટ લાંબા શખ્સને મળી દુલ્હન 

ઉત્તર પ્રદેશના શામલી જિલ્લાના રહેવાસી અજીમ મંસૂરીના નામના શખ્સ પોતાના લગ્નમાં વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથને આમંત્રિત કરવા માંગે છે. અજીમ મંસૂરી છેલ્લાં ઘણા વર્ષોથી તેના માટે દુલ્હન શોધી રહ્યાં હતા. પરંતુ તેની હાઈટ નાની હોવાના કારણે અનેક મુશ્કેલી આવી રહી હતી. તેઓ પોતાના લગ્નને લઇને ઘણી વખત રાજનેતાઓ અને સરકારી અધિકારીઓને પણ મળી ચૂક્યા છે. વર્ષ 2019માં તેમણે દુલ્હન શોધવામાં મદદ કરવા માટે યુપીના તત્કાલીન મુખ્યમંત્રી અખિલેશ યાદવનો પણ સંપર્ક કર્યો હતો. અજીમ માટે દુલ્હનની શોધ એક પડકાર રહ્યો છે. ધોરણ-5માં અધવચ્ચે અભ્યાસ છોડનારા અજીમ ઘણા વર્ષો બાદ હવે દુલ્હન શોધવામાં સફળ થયા છે.

Uttar Pradesh | Azeem Mansoori, a 2.3 feet tall man, in Shamli district, wants to invite PM Modi & UP CM Yogi Adityanath to his wedding as he finally ties the knot in November pic.twitter.com/quhYaUyOKx

— ANI UP/Uttarakhand (@ANINewsUP) October 29, 2022

અજીમ મંસૂરી 2021માં તેના સપનાની રાજકુમારી સાથે મળ્યાં

મીડિયાના એક રિપોર્ટ મુજબ, અજીમ મંસૂરી માર્ચ 2021માં તેના સપનાની રાજકુમારી સાથે મળ્યાં. હાપુડની રહેવાસી 3 ફૂટ લાંબી બુશરાએ એપ્રિલ 2021માં અજીમ મંસૂરી સાથે સગાઈ કરી લીધી. બુશરાએ ગ્રેજ્યુએશન પૂર્ણ કર્યા બાદ લગ્નના બંધનમાં બંધાવાનો નિર્ણય કર્યો. અજીમ અને બુશરા હવે 7 નવેમ્બરે લગ્ન કરી રહ્યાં છે. અજીમે લગ્ન માટે એક વિશેષ શેરવાની અને થ્રી-પીસ સૂટ તૈયાર કરાવ્યું છે.