યુપી / શિવા શર્મા હત્યાકાંડની મુખ્ય આરોપી શ્રદ્ધા દુબેની નાગપુરમાંથી ધરપકડ, કારમાં બુરખો પહેરીને ફરતી હતી

લખનઉમાં બિઝનેસમેન શિવા શર્મા હત્યા કેસમાં ત્રણ વોન્ટેડ આરોપીઓની ધરપકડ કરવામાં આવી છે. મુખ્ય આરોપી શ્રદ્ધા દુબેને યુપી એસટીએફના વારાણસી યુનિટ, લખનઉ કમિશનરેટની ટીમ અને નાગપુર પોલીસ દ્વારા સંયુક્ત કાર્યવાહીમાં નાગપુરમાં ધરપકડ કરવામાં આવી હતી. તેની બહેન રશ્મિ દુબે અને ડ્રાઇવર તનવીરની પણ ધરપકડ કરવામાં આવી હતી.

બચવા શ્રદ્ધા સતત સ્થાન બદલતી હતી

યુપી એસટીએફના જણાવ્યા અનુસાર, શ્રદ્ધા સતત પોતાનું સ્થાન બદલી રહી હતી અને પોલીસથી બચવાનો પ્રયાસ કરી રહી હતી. એજન્સીએ તેના વર્તનને એક વ્યાવસાયિક ભાગેડુ જેવું ગણાવ્યું હતું. નાગપુર ક્રાઇમ બ્રાન્ચના ડીસીપી દીપક અગ્રવાલે શ્રદ્ધાની ધરપકડની પુષ્ટિ કરી હતી.

બહેન અને ડ્રાઇવર સાથે બુરખા પહેરીને મુસાફરી કરતી હતી

પોલીસનો દાવો છે કે તે સતત તેની બહેન અને ડ્રાઇવર સાથે બુરખા પહેરીને મુસાફરી કરતી હતી. સ્પેશિયલ ટાસ્ક ફોર્સ (STF) એ તેનું લોકેશન શોધી કાઢ્યું અને નાગપુર પોલીસની મદદથી તેની ધરપકડ કરી. હવે તેને ટ્રાન્ઝિટ રિમાન્ડ પર લખનૌ લાવવામાં આવશે. એવું કહેવામાં આવી રહ્યું છે કે શ્રદ્ધા દુબે આગોતરા જામીન મેળવવાનો પ્રયાસ કરી રહી હતી.

વધુ વાંચો : 'લાગ્યું કે ટાયર ફાટ્યું... પછી છાતીમાં ભયંકર દર્દ' ટાઈગર શ્રોફ ફાયરિંગનો વીડિયો બનાવી રહેલા શખ્સને વાગી ગોળી

શિવા શર્માનું શંકાસ્પદ સંજોગોમાં મોત

ઉત્તર પ્રદેશના લખનઉમાં 28 વર્ષીય ઉદ્યોગપતિ શિવા શર્માનું શંકાસ્પદ સંજોગોમાં મોત થયું હતું. શિવા શર્માના પરિવારે આ ઘટનાને હત્યા ગણાવીને મુખ્ય આરોપીઓ સામે સખત કાર્યવાહીની માંગ કરી હતી. આ કેસમાં ફરાર રહેલી મોડેલ શ્રદ્ધા દુબેએ સોશિયલ મીડિયા પર વીડિયો જારી કરીને દાવો કર્યો હતો કે શિવા શર્માની હત્યા થઈ નથી, પરંતુ તેણે ઇમારત પરથી કૂદીને આત્મહત્યા કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ