ચિંતાજનક / તેલનો સ્ટોક કરી લેજો! તહેવારોમાં ભાવમાં આટલા રુપિયાના વધારાની શક્યતા, મગફળી ઓછી પાકી

આ વર્ષ મગફળીનો પાક ઓછો થયો હોવાથી આગામી સમયમાં સિંગતેલના ભાવમાં વધારો થઈ શકે છે. હાલમાં સિંગતેલનો ડબ્બો 3,000ને પાર પહોંચીને 3080 રુપિયા પર પહોંચ્યો છે. સિંગતેલના ભાવ રૂ.3 હજારથી લઈને 3080 સુધી પહોચ્યાં છે. કપાસિયા તેલના ભાવ રૂ.2620થી 2680 સુધી પહોચ્યાં છે જ્યારે પામતેલના ભાવ રૂ.2315થી 2320 સુધી પહોચ્યાં છે.

ભાવ વધવાનું શું કારણ?

દિવાળી સુધી ખાદ્યતેલના ન ઘટવાની શક્યતા છે. ઓછા વરસાદને કારણે મગફળીનો પાક ઓછો થતાં સિંગતેલના ભાવમાં વધારો જોવા મળ્યો છે.

મગફળીનું ઉત્પાદન કેટલું થયું?

રાજ્યમાં ગત વર્ષે 62 લાખ ટન મગફળીનું ઉત્પાદન હતું. પરંતુ ચાલુ વર્ષે રાજ્યના ઘણા વિસ્તારોમાં અપૂરતો વરસાદ થયો હત તેમ છતાં અંદાજે 50.33 લાખ ટન મગફલીનું ઉત્પાદન થયું. આ ઉત્પાદન ચાલુ વર્ષે 2022-23 અને 2023-24ના વર્ષ કરતા પાંચ લાખ ટન વધારે છે. પરંતુ તે વર્ષોમાં આટલા ભાવમાં વધારો થયો નહોતો. જોકે, રાજ્યમાં સીંગતેલના ભાવ વધારો 3 વર્ષની સપાટીએ પહોંચ્યું છે.

સોયાબીન તેલના ભાવમાં પણ વધારાની સંભાવના

સિંગતેલ ઉપરાંત સોયાબીન તેલના ભાવમાં પણ વધારો થવાની શક્યતા વેપારી દ્વારા વ્યક્ત કરવામાં આવી છે. બજારમાં અલગ-અલગ ગુણવત્તા અને બ્રાન્ડ પ્રમાણે તેલના ભાવમાં તફાવત જોવા મળી શકે છે. તેથી ગ્રાહકોએ ખરીદી કરતી વખતે ભાવની સરખામણી કરવી જરૂરી બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ