કોરોના વાયરસ / કોરોનાના કેસમાં સામાન્ય વધારો, એક્ટિવ કેસ 252 દિવસ બાદ સૌથી ઓછા

• ગત 24 કલાકમાં 11 હજાર 903 નવા મામલા નોંધાયા
• સાજા થનારાનો દર સતત 98.22 ટકાથી વધારે બનેલો
•  252 દિવસમાં આ સૌથી ઓછા એક્ટિવ કેસ

ગત 24 કલાકમાં 11 હજાર 903 નવા મામલા નોંધાયા

દેશમાં ગત 24 કલાકની અંદર કોરોનાના 11 હજાર 903 નવા મામલા નોંધાયા છે. જે ગત દિવસોની સરખામણીએ વધારે છે. જો કે આ ઉછાળો સામાન્ય છે. ત્યારે કોરોનાથી સાજા થનારાનો દર સતત 98.22 ટકાથી વધારે બનેલો છે. જે સારા સંકેત છે.

 કોરોનાના 14 હજાર 159 દર્દી સાજા થયા

ગત એક દિવસમાં કોરોનાના 14 હજાર 159 દર્દી સાજા થયા છે. જે બાદ કોરોનાથી સાજા થનારાનો આંકડો હવે 3 કરોડ 36 લાખ 97 હજાર 740 પર પહોંચી ગયો છે. જોકે આ દરમિયાન કોરોનાથી 311 મોત થયા છે.

 એક્ટિવ કેસ એક ટકાથી પણ ઓછા રહી ગયા

દેશમાં કોરોનાના એક્ટિવ કેસ એક ટકાથી પણ ઓછા રહી ગયા છે. હાજર સમયમાં આ 0.44 ટકા છે. જે માર્ચ 2020 એટલે કે મહામારીની શરુઆતથી અત્યાર સુધીમાં સૌથી ઓછા આંકડા છે.

 252 દિવસમાં આ સૌથી ઓછા એક્ટિવ કેસ

ભારતમાં હવે  કોરોનાના ફક્ત 1 લાખ 51 હજાર, 209 એક્ટિવ કેસ છે. ગત 252 દિવસમાં આ સૌથી ઓછા આંકડા છે. ત્યારે અઠવાડિક પોઝિટિવિટી રેટ 1.8 ટકા છે અને આ ગત 40 દિવસમાં 2 ટકાથી પણ નીચે બનેલો છે.