- ગુજરાતમાં કોરોના કેસોમાં ચિંતાજનક ઉછાળો
- 24 કલાકમાં રાજ્યમાં વધુ 1012 કેસ સામે આવ્યા
- એક્ટિવ કેસોની સંખ્યા 6 હજારને પાર
કોરોના ફરી ગુજરાતને અજગર ભરડામાં લઈ રહ્યો હોય તેમ પોઝીટીવ કેસોમાં આવતો ઉછાળો અટકવાનું નામ જ નથી લેતો. જેને લઈને લોકોમાં પણ ભયનો માહોલ જોવા મળી રહ્યો છે. તેવામાં આજે રાજ્યના આરોગ્ય તંત્રના ચોપડે એક હજારથી વધુ કોરોનાના નવા દર્દીઓ ઉમેરાયા છે. ત્યારે લોકોનાની સંભવિત ચોથી લહેરને રોકવા આરોગ્ય વિભાગ પણ ઉંધા માથે કામ કરી રહ્યું છે અને કોરોના વેકસીનેશન વધારવા સહિતની કાર્યવાહી કરી રહ્યું છે. તેવા સંજોગો વચ્ચે આજે છેલ્લા 24 કલાકમાં રાજ્યમાં વધુ 1012 કેસ સામે આવ્યા છે અને 2 લોકો કોરોના સામે જિંદગીનો જંગ હારી ગયા હોવાનું પણ જાહેર થયું છે. મહત્વનું છે કે ગુજરાતમાં મહાનગરો અને મહેસાણા બાદ કચ્છ જિલ્લા જિલ્લામાં પણ કેસ વધતાં લોકોની ચિંતા વધી છે.
અમદાવાદમાં બે લોકોના મોત
જો મહાનગરોમાં કોરોના આતંકની વાત કરવામાં આવે તો આજે અમદાવાદમાં 312 નવા કેસ ઉમેરાયા છે અને બે લોકોના મોત થયા છે. વડોદરામાં 79, સુરતમાં 48 અને ગાંધીનગરમાં 28 કેસ સામે આવ્યા છે તથા રાજકોટમાં 23 અને ભાવનગરમાં 22 કેસ નોંધાયા છે અને જામનગરમાં પણ 9 કેસ નોંધાયા છે. બીજી તરફ જૂનાગઢ મનપા આજે કોરોના કહેરથી બાકાત રહ્યું હતું.જો જિલ્લાવાર વાત કરવામાં આવે તો મહેસાણા મા 99 કેસ આવ્યા છે. વધુમાં ગઇકાલે કચ્છમાં 37 કેસ, 28 જુલાઈએ 38 કેસ, 27 જુલાઈએ 46 કેસ નોંધાયા હતા. ત્યારે આજે 52 થી વધુ કેસ નોંધાયા હોવાથી કચ્છવાસીઓમાં ચિંતાવ્યાપી છે. વડોદરામાં 44, ગાંધીનગરમાં 31 અને સાબરકાંઠામાં 30 કેસ સામે આવ્યા છે. એજ રીતે અમરેલી અને સુરતમા પણ 27 કેસ વધુમાં બનાસકાંઠામાં 19 કેસ નોંધાયા છે. પાટણ અને રાજકોટમાં 18-18 કેસ સામે આવ્યા છે આમ કુલ 1012 કેસ સામે આવ્યા છે.
એક્ટિવ કેસોની સંખ્યા 6274
તો 954 કોરોનાગ્રસ્ત દર્દીઓ કોરોનાને ભોભીતર કરી સ્વસ્થ થયા હોવાનું પણ સત્તાવાર રીતે જાહેર થવા પામ્યું છે. વધુમાં હાલ એક્ટિવ કેસોની સંખ્યા 6274 જેટલી છે તેમાથી 12 લોકોની સ્થિતી ગંભીર હોવાથી તેઓ વેન્ટિલેટર હેઠળ સારવાર લઇ રહ્યા છે. તથા 6262 લોકો સ્ટેબલ હોવાનું જણાય રહ્યું છે. ઉપરાંત 6,47,663 લોકોનું રસીકરણ કરવામાં આવ્યું હતું.
