- ઘરે બેઠા જ ફેટ બર્ન કરવા કરો આ યોગ
- શું તમે કાર્ડિયો એક્સરસાઇઝ પણ કરી શકો છો
- આ કસરતથી કમર, કરોડરજ્જુ વગેરેમાં લચીલાપણુ આવે છે અને વજન ઘટે છે
Yoga Session: મનની શાંતિ માટે યોગ ખૂબ જ ફાયદાકારક માનવામાં આવે છે. શરીરની ફિટનેસ જાળવવા માટે, તમે તમારી લાઇફસ્ટાઇલમાં યોગને સરળતાથી સામેલ કરી શકો છો. યોગનો એવો પણ ફાયદો છે કે તમે તમારા શરીરને એક્ટિવેટ કરી શકો છો અને ઘરે બેઠા જ ફેટ બર્ન કરી શકો છો. તેની મદદથી તમે માત્ર સ્ટ્રેચિંગ જ નહીં, પણ કાર્ડિયો એક્સરસાઇઝ પણ કરી શકો છો. આવો જાણીએ યોગની મદદથી તમે તમારા શરીરની ચરબી કેવી રીતે બાળી શકો છો અને ફિટ રહી શકો છો.
પહેલા કરી લો સ્ટ્રેચિંગ
તમે યોગા મેટ પર પદ્માસન અથવા અર્ધ પદ્માસનમાં પણ બેસો અને બંને હાથની આંગળીઓને એકબીજા સાથે જોડીને શરીરને ખેંચો, 20 સુધી ગણો અને ધીમે ધીમે હાથ નીચે લાવો, રિલેક્સ કરો.
પછી કરો ધ્યાન
તમારી આંખો બંધ કરો અને તમારી કમર અને ગરદનને સીધી રાખો. તમારા આવતા અને જતા શ્વાસો પર ધ્યાન કેન્દ્રિત કરો અને ઓમ શબ્દનો ઉચ્ચાર કરો. સંપૂર્ણ કસરત જોવા માટે, તમે નીચે આપેલ વિડિઓ લિંક જોઈ શકો છો.
કદમતાલ કરો
મેટ પર ઊભા રહો. હવે એક જગ્યાએ ઊભા રહો અને પગથિયાં ચડતા હોય એવી રીતે કદમતાલ શરૂ કરો. આ દરમિયાન તમારા ઘૂંટણને બને ત્યાં સુધી ઉંચો કરો અને પછી રાખો. આ દરમિયાન તમારા બંને હાથને પણ એક્ટિવ રાખો. ઊંડા શ્વાસ લેવાનું ચાલુ રાખો અને છોડતા રહો. આ રીતે તમે ઓછામાં ઓછી એક મિનિટ પ્રેક્ટિસ કરો.
કટિચક્ર કરો
મેટ પર ઊભા રહો અને બંને પગ વચ્ચે યોગ્ય અંતર રાખો. હવે બંને હાથને આગળ સીધા રાખો. હવે શ્વાસ લેતી વખતે શરીરના ઉપરના ભાગને એકવાર ડાબી બાજુ અને પછી જમણી બાજુએ ઝાટકા સાથે લઇ જાઓ. તમે આ 10 વખત કરો. આ કસરતથી કમર, કરોડરજ્જુ વગેરેમાં લચીલાપણુ આવે છે અને વજન ઘટે છે.
બોડી બેલેન્સ
મેટ પર પગને આગળ ફેલાવીને મેટ પર બેસો. હવે જમણી તરફ જઈને તમારા જમણા હાથ પર વજન આપો અને ડાબા પગને જમણા પગના ઘૂંટણની સામે રાખો. હવે હથેળી અને ડાબા પગ પર સંપૂર્ણ વજન આપીને ડાબા હાથને આકાશ તરફ સીધો કરો અને આંખોને સીધી રાખીને શરીરને ઉંચુ કરો. આ મુદ્રામાં સંતુલન રાખો અને ઓછામાં ઓછા 10 સુધી ગણતરી કરો. પછી ધીમે ધીમે આરામ કરો. બીજી બાજુ ફરીને પ્રેક્ટિસ કરો.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
