વિશ્વ / કતારે ટ્રમ્પને ગિફ્ટ આપી 37 અરબ રૂપિયાની આ વસ્તુ, અમેરિકામાં મચ્યું રાજકિય ધમાસાણ

અમેરિકન રાષ્ટ્રપતિ ડોનાલ્ડ ટ્રમ્પે શુક્રવારે મેરીલેન્ડમાં જોઈન્ટ બેઝ એન્ડ્રુઝ ખાતે નવા કામચલાઉ એરફોર્સ વનનું ઉદ્ઘાટન કર્યું. આ વિમાન કતાર દ્વારા અમેરિકાને ભેટમાં આપવામાં આવ્યું હતું અને તેની કિંમત આશરે $400 મિલિયન એટલે કે આશરે ₹37 અરબ રૂપિયા હોવાનો અંદાજ છે.

નવા વિમાનને VC-25B નામ આપવામાં આવ્યું છે. તેની વિશિષ્ટ લાલ, સફેદ, નેવી બ્લુ અને ગોલ્ડ રંગની ડિઝાઇન સાથે તેને વિશ્વના સૌથી શાનદાર વિમાનોમાંનું એક માનવામાં આવે છે. ઉદ્ઘાટન દરમિયાન ટ્રમ્પે કતારના અમીરનો આભાર માનતા કહ્યું, "તે એક સારા માણસ છે. તેમણે છેલ્લા કેટલાક મહિનામાં ઘણું સહન કર્યું છે."

ટ્રમ્પે વિમાનની પ્રશંસા કરતા કહ્યું, "તે વિશ્વનું સૌથી વૈભવી વિમાન માનવામાં આવે છે. જ્યારે તે બનાવવામાં આવ્યું હતું, ત્યારે તે એવા સ્તરે બનાવવામાં આવ્યું હતું જે કદાચ ફરી ક્યારેય જોવા મળશે નહીં."

View this post on Instagram

A post shared by US Aviation TV (@usaviationtv)

કતારની ભેટ અંગે અમેરિકામાં વિવાદ

આ વિમાને અમેરિકામાં પણ વિવાદ ઉભો કર્યો છે. ટીકાકારો કહે છે કે અમેરિકાના નિયમો અનુસાર એક જ સ્ત્રોતમાંથી 50 ડોલરથી વધુની ભેટ સ્વીકારી શકાતી નથી, જ્યારે આ વિમાન 400 મિલિયન ડોલરનું છે. જોકે ટ્રમ્પે આ ટીકાને ફગાવી દીધી હતી અને કહ્યું હતું કે આટલી મોટી ઓફરને નકારી કાઢવી એ "મૂર્ખતા" હશે.

અમેરિકી ડિપાર્ટમેન્ટ ઓફ ડિફેન્સે પણ સ્પષ્ટતા કરી છે કે આ વિમાનને તમામ ફેડરલ નિયમો અને પ્રક્રિયાઓનું પાલન કરીને સ્વીકારવામાં આવ્યું હતું. જોકે રાષ્ટ્રપતિના ઉપયોગ માટે તેને યોગ્ય બનાવવા માટે આશરે 1 અરબ ડોલરનો વધારાનો ખર્ચ જરૂરી હોવાનો અંદાજ છે.

રાષ્ટ્રપતિ માટે એર ફોર્સ વન બનાવવામાં આવી રહ્યું છે

2027 અને 2028 માં બોઇંગ દ્વારા બનાવવામાં આવતા રાષ્ટ્રપતિ માટે બે વિમાનો ડિલિવર ન થાય ત્યાં સુધી આ વિમાનનો ઉપયોગ કામચલાઉ એર ફોર્સ વન તરીકે કરવામાં આવશે. આ નવા વિમાનોની કિંમત પણ વધીને 5 અરબ ડોલર થઈ ગઈ છે.

આ પણ વાંચોઃ વર્લ્ડ / ટ્રમ્પે મોદીને ગણાવ્યા વિશ્વના શ્રેષ્ઠ નેતાઓમાંના એક, વેપાર સંબંધો પર પણ કરી વાત

ટ્રમ્પ કહે છે કે અમેરિકાને અન્ય વિશ્વ નેતાઓના મુકાબલે વધુ આધુનિક વિમાનોની જરૂર છે. તેમણે કહ્યું, "અન્ય દેશો પાસે આપણા કરતા ઘણા નવા અને સારા વિમાનો છે. આ પરિસ્થિતિ થોડી હાસ્યાસ્પદ હતી."

હાલનું રાષ્ટ્રપતિ વિમાન 1990 થી સેવામાં છે અને પૂર્વ રાષ્ટ્રપતિ જ્યોર્જ ડબલ્યુ. બુશના કાર્યકાળ દરમિયાન તેને સામેલ કરવામાં આવ્યું હતું. તાજેતરમાં આમાંથી એક વિમાનને ટેકનિકલ સમસ્યાને કારણે ઉડાન વચ્ચે જ પાછું ફરવું પડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ