વિશ્વ / PM મોદીએ કમલા બિસેસરને મહાકુંભ અને સરયૂ નદીનું પવિત્ર જળ આપ્યું, રામ મંદિરની પ્રતિકૃતિ પણ ભેટમાં આપી

PM નરેન્દ્ર મોદીએ ત્રિનિદાદ અને ટોબેગાની મુલાકાત દરમિયાન ત્યાંના વડા પ્રધાન કમલા પ્રસાદ-બિસેસરને ભારતીય સંસ્કૃતિની ખૂબ જ ભાવનાત્મક અને પવિત્ર ભેટ આપી. PM મોદીએ તેમને મહાકુંભના સંગમ અને અયોધ્યાની સરયુ નદીનું પવિત્ર જળ અર્પણ કર્યું અને શ્રી રામ મંદિરની પ્રતિકૃતિ પણ ભેટમાં આપી. કમલાજી ભારતીય મૂળના છે અને તેમના પૂર્વજો બિહારના બક્સરમાં રહેતા હતા. PM મોદીએ કહ્યું કે કમલાજી જાતે બિહારની મુલાકાત લઈ ચુક્યા છે અને તેમને ત્યાં લોકો "બિહારની પુત્રી" તરીકે ઓળખે છે.

ભારતીય સમુદાયને કર્યું સંબોધન

PM મોદીએ ત્રિનિદાદના ભારતીય સમુદાયને સંબોધતાં કહ્યું કે, "વિશ્વનો સૌથી મોટો આધ્યાત્મિક મેળાવડો મહાકુંભ આ વર્ષની શરૂઆતમાં યોજાયો હતો. મને ત્યાંથી પવિત્ર જળ લાવવાનો સનમુખ અવસર મળ્યો છે. હવે હું કમલાજીને વિનંતી કરું છું કે તેઓ ત્રિનિદાદની પવિત્ર નદીમાં આ જળ અર્પણ કરે." PMની આ ભાવનાપૂર્ણ અપીલને કમલાજીએ સ્વીકારી અને ગંગા પ્રવાહમાં મહાકુંભનું પવિત્ર જળ અર્પણ કર્યું.

ભારતીય મૂળના લોકો માટે પણ ગૌરવ : PM

આ પ્રસંગે PM મોદીએ ત્રિનિદાદના ભારતીય મૂળના લોકો માટે પણ ગૌરવ વ્યક્ત કર્યો અને બિહારના ઐતિહાસિક અને સાંસ્કૃતિક યોગદાનને યાદ કર્યું. તેમણે ઉમેર્યું કે બિહારે લોકશાહી, શિક્ષણ, રાજદ્વારી અને સમાજશાસ્ત્ર જેવા ક્ષેત્રોમાં દુનિયાને નવી દિશા આપી છે. 21મી સદી માટે પણ બિહારથી નવી પ્રેરણા અને તકો ઉભરી આવી રહી છે.

આ પણ વાંચો : 'એક સમયે હું બ્રાયન લારાનો ચાહક હતો, આજે..', ત્રિનિદાદ અને ટોબેગોમાં બોલ્યા PM મોદી

આ મુલાકાતમાં માત્ર નેતાઓની વાત નથી, પરંતુ ભારતના સંસ્કૃતિના વૈશ્વિક સંવાદ અને વારસાની ભાવનાત્મક જોડાણની વાત છે, જે દરેક ભારતીય માટે ગૌરવની લાગણી ધરાવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ