દુખદ / પાકિસ્તાનમાં સ્વતંત્રતા દિવસે જ ફાયરિંગની ઘટના, એક બાળકી સહિત ત્રણના મોત

Pakistan News: પાકિસ્તાનના કરાચી શહેરમાં દેશની આઝાદીના ઉજવણી માટે તૈયારી કરવામાં આવી રહી હતી, આ દરમિયાન અઝીઝાબાદ સહિત અનેક વિસ્તારોમાં ગોળીબારની ઘટના બનતા અફરાતફરીનો માહોલ સર્જાયો છે. સ્થાનિક પોલીસના જણાવ્યા અનુસાર, ગોળીબારની ઘટનામાં ત્રણ લોકોના મોત થયા છે, જેમાં એક 8 વર્ષની બાળકી અને એક વૃદ્ધ નાગરિકનો સમાવેશ થાય છે.

અનેક વિસ્તારોમાં ગોળીબારની ઘટના

ગોળીબારની ઘટના લિયાકતાબાદ, કોરંગી, લ્યારી, મહમૂદાબાદ, અખ્તર કોલોની, કેમારી, જેક્સન, બલદિયા, ઓરંગી ટાઉન અને પાપોશ નગર જેવા વિસ્તારો બની હોવાનું સૂત્રો દ્વારા જાણવા મળી રહ્યું છે. શરીફાબાદ, ઉત્તર નાઝીમાબાદ, સુરજાની ટાઉન, ઝમાન ટાઉન અને લાંધી જેવા વિસ્તારો પણ આનાથી પ્રભાવિત થયા છે. અચાનક ગોળીબારની ઘટનાથી અફરાતફરી સર્જાઈ ગઈ હતી. કોઈ કાઈ સમજે તે પહેલા જ ખુશીનો માહોલ ગમમાં ફેરવાઈ ગયો હતો.

વધુ વાંચો : હવે એક જ દિવસમાં મળશે ભારતીય વિઝા, કરવું પડશે આ કામ, જાણી લો ફટાફટ

ઈજાગ્રસ્તોને હોસ્પિટલમાં ખસેડવામાં આવ્યા

આ ગોળીબારમાં ઈજાગ્રસ્તમાં થયેલા લોકોના તાત્કાલિક ધોરણે ખાનગી હોસ્પિટલોમાં ખસેડવામાં આવ્યા છે. હાલ ઘટનાને પગલે પોલીસે વિસ્તારોને કોર્ડન કરી દેવામાં આવ્યો છે. પોલીસે અત્યાર સુધીમાં અનેક વિસ્તારોમાંથી 20થી વધુ શંકાસ્પદોની ધરપકડ કરી છે. આ શંકાસ્પદ પાસેથી હથિયારો પણ હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ