વિશ્વ / ટ્રમ્પે અદાણી-અંબાણી પાસેથી ઝાટકે છીનવી લીધાં 2.6 લાખ કરોડ, જાણો કેવી રીતે?

વર્ષ 2025 દેશમાં ધનિક ઉદ્યોગપતિઓ માટે ભારે ઝટકાઓ લઈને આવ્યું છે. પહેલાં ભારે FPI ઉપાડ અને ત્યારબાદ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટેરિફ યુદ્ધે ભારતીય શેરબજારોમાં એવું તોફાન મચાવ્યું કે દેશના અબજપતિઓની કુલ સંપત્તિમાં લગભગ 2.6 લાખ કરોડ રૂપિયાનો ઘટાડો થઈ ગયો. ટ્રમ્પે તાજેતરમાં ચીન સિવાય વિશ્વના ઘણા દેશો પર ટેરિફ લગાવ્યા હતા, જેના કારણે વૈશ્વિક બજારોમાં ભયનું મોજું ફેલાયું. તેની સીધી અસર ભારત સહિત અનેક દેશોના શેરબજારોમાં જોવા મળ્યું અને સતત વેચવાલીની વચ્ચે સેન્સેક્સ–નિફ્ટીમાં ભારે ઘટાડો નોંધાયો.

આ ઘટાડાનો સૌથી મોટો ફટકો ભારતના સૌથી ધનિક ઉદ્યોગપતિ મુકેશ અંબાણીને પડ્યો. અંબાણીની કુલ નેટવર્થમાં આ વર્ષે $3.42 બિલિયનનો ઘટાડો થયો છે. શેરબજારના આ હચકારા પછી તેમની સંપત્તિ ઘટીને $87.2 બિલિયન રહી છે અને આ કારણે તેઓ વિશ્વના ટોપ–10 ધનિકોની યાદીમાંથી બહાર થઈ ગયા છે. હાલમાં અંબાણી 17મા નંબરે પહોંચી ગયા છે. અદાણી ગ્રુપના અધ્યક્ષ ગૌતમ અદાણીની સંપત્તિમાં પણ મોટો ઘટાડો જોવા મળ્યો છે. તેમની નેટવર્થમાં આ વર્ષે $6.05 બિલિયનનો ઘટાડો થયો છે. અદાણી એન્ટરપ્રાઇઝના શેર વર્ષ 2025 દરમિયાન લગભગ 9 ટકાથી નીચે આવ્યા છે.

આ ઉદ્યોગપતિને પણ નુકસાન

મહિલાઓમાં દેશની સૌથી ધનિક ઉદ્યોગપતિ સાવિત્રી જિંદાલને પણ આ બજારની મંદીએ નહીં છોડ્યા. તેમની નેટવર્થમાં $2.4 બિલિયનનો ઘટાડો નોંધાયો છે. HCL ટેક્નોલોજીઝના સ્થાપક શિવ નાદર માટે તો આ વર્ષ સૌથી કઠિન સાબિત થયું છે. તેમની સંપત્તિમાં સીધી $10.5 બિલિયનની ઘટ ધાઈ છે, જે આ યાદીમાં સૌથી મોટો ઘટાડો ગણાય છે.

સ્થાપક દિલીપ સંઘવીની નેટવર્થને પણ મોટા પાયે અસર

ભારતીય શેરબજારોમાં 2025 દરમિયાન સતત નબળાઈ રહી છે. સેન્સેક્સ અને નિફ્ટીમાં અત્યાર સુધી 4.5 ટકાનો ઘટાડો, જ્યારે BSE સ્મોલ-કૅપ અને મિડ-કૅપ ઇન્ડેક્સમાં અનુક્રમે 17% અને 14%નો ઘટાડો નોંધાયો છે. આ વેચવાલીના દબાણે ફાર્મા ક્ષેત્રના દિગ્ગજ અને સન ફાર્માના સ્થાપક દિલીપ સંઘવીની નેટવર્થને પણ મોટા પાયે અસર કરી છે. તેમની સંપત્તિમાં $3.34 બિલિયનનો ઘટાડો થયો છે અને સન ફાર્માના શેરમાં પણ આશરે 10 ટકાનો પતન જોવા મળ્યો છે.

આ પણ વાંચો : આગમાં 45ના મોત, સાઉદી સરકાર ભારતીય નાગરિકોના મૃતદેહો નહીં સોંપે, ત્યાં જ અંતિમવિધિ, વળતર નહીં

આ તમામ આંકડાઓ સ્પષ્ટ કરે છે કે વૈશ્વિક આર્થિક ઉથલપાથલનો ભારતીય ઉદ્યોગપતિઓની સંપત્તિ પર સીધો અને તીવ્ર પ્રભાવ પડ્યો છે. ટ્રમ્પના ટેરિફ પ્લાન અને FPI ઉપાડના જોડિયા ઝટકાઓને કારણે 2025 દેશના અબજપતિઓ માટે સૌથી પડકારજનક વર્ષોમાંનું એક બની રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ